Хуссар Иры УУМ коллеги

"Сымахӕн ис бӕрнон куыст": Хуссар Иры УУМ хыгъдлӕвӕрд радта ивгъуыд азы куыстӕн

11
(ранӕуӕггонд 17:08 27.01.2020)
Министрады хыгъдлӕвӕрдон коллегийы хайад райста республикӕйы къухдариуӕгад, сӕ нымӕцы президент Бибылты Анатолий

ЦХИНВАЛ, 27 янв - Sputnik. Хуссар Ирыстоны Уӕлвӕткон уавӕрты министрад (УУМ) къуырисӕры ауагъта уагдоны хыгъдлӕвӕрдон коллегийы 2019 азӕн, цы ран хайад райстой президент Бибылты Анатолий, премьер-министр Пухаты Эрик ӕмӕ Ӕдасдзинады советы секретарь Уалыты Валерий.

УУМ сӕргълӕууӕг Цоциты Азӕмӕт радзырдта уагдоны дӕлхайӕдты куысты тыххӕй. Уый ӕрхаста зынгсирвӕзтты, афтӕ ма ӕндӕр уӕлвӕткон цауты статистикӕ, кӕцытӕ аиуварс кӕныны хайад истой УУМ кусджытӕ.

Цоциты Азӕмӕты сӕйраг хъусдард здӕхт уыд газӕй фӕхъӕстӕйы цаутӕм. Министр бахахх кодта, ивгъуыд аз ацы цауты фӕдыл кӕй басгӕрстой 113 бирӕфатерон хӕдзары.

Коллегия МЧС Южной Осетии
© Пресс-служба президента РЮО.
Хуссар Иры УУМ коллеги

Республикӕйы президент ралӕууыд УУМ кусджыты раз ӕмӕ сын бузныг загъта сӕ куысты тыххӕй.

"Сымахӕн ис тынг бӕрнон куыст. Сымах ирвӕзын кӕнут, ӕххуыс кӕнут ӕмӕ рагфӕдзӕхст кӕнут уӕлвӕткон цаутӕ", - банысан кодта паддзахады сӕргълӕууӕг.

Бибылты Анатолий дӕр бахахх кодта, сӕйраг хъусдард здӕхт кӕй хъуамӕ уа газӕй фӕхъӕстӕйы цаутӕм.

"Хъӕуы саразын анализ, басгарын газон хӕдзарад. Хъӕуы басгарын ӕрмӕст муниципалон нӕ, фӕлӕ хисӕрмагонд хӕдзӕрттӕ дӕр", - загъта паддзахады сӕргълӕууӕг.

Коллегия МЧС Южной Осетии
© Пресс-служба президента РЮО.
Хуссар Иры УУМ коллеги

Афтӕ ма президент ӕрсидт цӕстдарын ӕндӕр ахсджиаг проблемӕмӕ – зынгсирвӕзттӕм хӕдзӕртты.

Иумӕйагӕй Бибылты Анатолий райгондӕй баззад уагдоны куыстӕй.

"Зонын ӕй, кӕй ис проблемӕтӕ, кӕцытӕ баст сты чысыл мыздимӕ, пенситимӕ. Ӕмӕ мӕ фӕнды фидарӕй зӕгъын, Хуссар Ирыстоны къухдариуӕгад кӕй аразы ӕмбӕлгӕ къахдзӕфтӕ ацы фарстытӕ аскъуыддзаг кӕнынӕн", - радзырдта президент.

Афтӕ ма уый ӕрныхас кодта УУМ ног кусджытимӕ, кӕцыты райстой куыстмӕ Уӕрӕсейы Федерацийы профилон университетты ахуыры фӕстӕ.

11
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7