Хуссар Иры Хъахъхъӕнынады министрады кадетон скъолайӕн фӕзындзӕн ног бӕстыхай

Хуссар Иры Кадетон скъолайӕн фӕзындзӕн ног бӕстыхай

14
(ранӕуӕггонд 13:07 28.01.2020)
Скъолайы ахуыр кӕнынц сӕдӕ кадетӕй фылдӕр – ног бӕстыхайы ахуырдзаутӕн сорганизаци кӕндзысты ӕххӕстаргъ ахуырадон процесс, уыдзӕн дзы фадат ӕхсӕв баззайынӕн дӕр

ЦХИНВАЛ, 28 янв – Sputnik, Козаты Диана. Хуссар Ирыстоны Хъахъхъӕнынады министрады кадетон скъолайы ахуырдзауты ракӕндзысты ног бӕстыхаймӕ, радзырдта Sputnik уагдоны пресс-секретарь Чехойты Инга.

Кадетон скъола, куыд хъахъхъӕнынадон уагдоны структурон дӕлхайад, сарӕзтой 2011 азы. Ахуырадон процесс нырма уагъд цыд Цхинвалы раздӕры ӕвдӕм астӕуккаг скъолайы бӕстыхайы, кӕцы уый фӕстӕ радтой гимнази "Альбион"-ӕн. Фӕстаг рӕстӕджы кадеттӕ ӕрбынат кодтой "Мӕскуыйаг" микрорайоны фыццаг скъолайы бӕстыхайы. Ацы ран ма ахуырадон процесс уадзы рӕстдинон гимнази "Рухс".

"Фыццӕгӕм скъолайы ис тынг каннӕг уавӕртӕ, уыдис дзы ӕрмӕст дӕр ахуырадон кабинеттӕ, уый фӕдыл фадат нӕ уыд сорганизаци кӕнын ӕххӕстаргъ ахуырадон процесс", - загъта Чехойты Инга.

Ныр кадеттӕн цӕттӕ кӕнынц бӕстыхай Ирыхъӕуы (раздӕры Еред).

Хъахъхъӕнынады министрады бахахх кодтой, сывӕллӕттӕн кӕй сараздзысты алы уавӕртӕ дӕр ахуыр ӕмӕ цӕрынӕн – уыдзӕн дзы фадат ӕхсӕв баззайынӕн дӕр.

"Скъоламӕ ӕмӕ фӕстӕмӕ сывӕллӕтты ласдзӕн кадетон скъолайы автобус", - загъта Чехойты Инга.

Хъахъхъӕнынады министрады нӕ фехъусын кодтой ног бӕстыхаймӕ рацӕуыны дырыс ӕмгъуыд.

14
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

4
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

4
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

14
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

14