Цхинвал

Ирæтты геноцид банымайыны фæдыл Думæйы къамис ауадздзæн рабадт Цхинвалы

31
(ранӕуӕггонд 15:29 29.01.2020)
Ирон адæмы геноцид банымайыны фæдыл УФ Паддзахадон думæйы къамисы сæргълæууæг кусæгон къорды нывæзтыты тыххæй

ЦХИНВАЛ, 29 янв – Sputnik, Козаты Диана. Хуссар Ирыстонмæ февралы æрцæудзæн уæрæсейаг парламентарийты къорд, кæцытæ кусынц 1920 азы ирон адæмы ныхмæ Гуырдзыстоны геноцид банымайыныл. Уый тыххæй Sputnik фехъусын кодта Паддзахадон думæйы депутат Виктор Водолацкий.

Уæрæсейы Паддзахадон думæйы бакондæуыд сæрмагонд къамис ирæтты геноцид банымайыны фæдыл, кæцы расидт Гуырдзыстоны хицауад 1920 азы. Къамимы сæргълæууæг у ХПӔ хъуыддæгтæ, евразиаг интеграци æмæ æмбæстæгтимæ бастдзинæдты фæдыл комитеты сæргълæууæджы фыццаг хæдивæг Виктор Водолацкий. Кусæгон къорды сконды ма сты Гæззаты Валерий (Справедливая Россия), Тайсайты Хъазбег (Комунистон парти), Павел Шперов (Либералон-демократон парти), Артем Кавинов æмæ Артем Туров "Единая Россия".

"Куыстытæм мах æрбахуыдтам экспертон æхсæнады, Зонæдты академи æмæ Историйы институты историкты, Росархивы минæвæртты. Мах ауагътам рабадт, цы ран сфидар кодтам куысты нывæзт æмæ адæмы, кæцытæ кусдзысты эксперттимæ хицæн æмæ хицæн къабæзты æмæ æмбырд кæндзысты æрмæджытæ. Уый фæстæ мах аскъуыддзаг кæндзыстæм Цхинвалмæ балцы датæ", - загъта Водолацкий.

Сенатор ма банысан кодта, Цхинвалмæ æрцæуын кæй фæнд кæнынц февралы. Къамисы дыккаг рабадт, йæ ныхæстæм гæсгæ, ацæудзæн  Хуссар Ирыстоны парламенты.

"Нæ хæс у нæ хуссарирыстойнаг коллегæты куырдиатмæ хъус æрдарын", - балхынцъ кодта уый.

Амӕйразмӕ Хуссар Ирыстоны депутаттӕ барвыстой куырдиат ирӕтты геноцид банымайыны фӕдыл Уӕрӕсейы Паддзахадон думӕмӕ ӕмӕ Федерацийы Советмӕ. Уӕрӕсейы Федерацийы Паддзахадон думӕйы спикер Вячеслав Володин фехъусын кодта, Думӕйы Совет кӕй ӕркӕсдзӕн куырдиатмӕ ӕввахсдӕр рабадтыл. Ацы фарсты фæдыл арæзт æрцыд сæрмагонд кусæгон къорд.

31
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7