ХИПУ-йы дуэт ныффысдзæн альбом Дзæуджыхъæуы

ХИПУ-йы дуэт ныффысдзæн альбом Дзæуджыхъæуы

80
(ранӕуӕггонд 14:33 03.02.2020)
Хъодалаты Мария æмæ Джиоты Любайы дуэты альбом бацæттæ кæндзæн зындгонд ирон зарæггæнæг Matrang-ы аранжировщик

ЦХИНВАЛ, 3 фев — Sputnik, Плиты Фатимæ. Хуссар Ирыстоны паддзахадон университеты студенткæтæ Хъодалаты Мария æмæ Джиоты Любайы дуэты альбом бацæттæ кæндзæн зындгонд ирон зарæггæнæг Matrang-ы аранжировщик. Дыууæ чызджы альбоммæ бацæудзысты 8 зарæджы, уыдонæй дыууæ дуэтæй.

Чызджытæ альбом рауадзын сфæнд кодтой ивгъуыд аз, сæ фæндтæ сæххæст сын къуылымпы кодта финансон фарст. Январы кæрон президент Бибылты Анатолий æххуысы ныфс радта.

"Ивгъуыд аз декабры ныффыстон президентмæ, студентты бон æмæ ма мæ райгуырæн бон нæм фæуазæг æмæ ныфс радта альбом ныффысыны хæрдзтæ бамбæрзын. Альбом цæттæ цæудзæн Дзæуджыхъæуы ирон зарæггæнæг Matrang-ы аранжировщикмæ", - радзырдта Джиоты Люба.

Хъодалаты Мария æмæ Джиоты Люба æдæппæт сæххæст кæндзысты аст зарæджы, уыдонæй дыууæ дуэтæй.

"Тынг бирæ хорз æрмæг фыссы Хъодалаты Мария, равзарын дæр уыд зын. Фæйнæ æртæ зарæджы сæххæст кæндзыстæм, уыдонæн сæ фылæр бæрц мадæлон æвзагыл, къорд Би-2-йы стильмæнгæс. Ноджы ма дыууæ зарæг та уыдзысты дуэтæй "Радзур" æмæ "Руки твои", дыккагæн фæнд кæнæм сисын клип дæр", - бафтыдта зарæггæнæг.

Хъодалаты Мария æмæ Джиоты Люба сты ХИПУ студенткæтæ. Мария ныридæгæн равзæрста йæхицæн сфæлдыстадон псевдоним Шанти, фыссы æмдзæвгæтæ æмæ музыкæ. Ивгъуыд аз бацæттæ кодта йæ фыццаг клип зарæг "Ӕз бузныг дæн"-мæ гæсгæ.

Джиоты Любайы ном Ирыстоны дыууæ хайы дæр айхъуыст телеканал "Осетия – Ирыстон"-ы вокалон проекты уæлахизы фæстæ.

80
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7