Транскам гӕнӕн ис сӕхгӕной, бафӕдзӕхстой Хуссар Иры УУМ-ы

© Пресс-служба МЧС РЮОТранскам
Транскам - Sputnik Хуссар Ирыстон
Рафыссын
Ирыстоны хӕхты февзӕрдӕр уыдзӕн боныгъӕд ӕмӕ гӕнӕн ис ӕрцӕуой зӕйтӕ, фӕдзӕхсынц УУМ

ЦХИНВАЛ, 3 фев - Sputnik. Хуссар Ирыстоны Уӕлвӕткон уавӕрты министрад (УУМ) фӕдзӕхсы республикӕйы цӕрджытӕ ӕмӕ уазджыты, гӕнӕн ис тобӕ кӕй сӕвӕрой Транскавказон автомагистралы уылты змӕлдыл Ирыстоны хӕхты митуарды тыххӕй.

"Цӕгат Ирыстоны гидрометеорологи ӕмӕ мониторингы центры бӕрӕггӕнӕнтӕм гӕсгӕ, ацы къуыри Ирыстоны хӕхты уардзӕн стыр мит, уый фӕдыл гӕнӕн ис ӕрцӕуой зӕйтӕ", - дзырдӕуы хъусинаджы.

Ӕвзӕр боныгъӕд ӕмӕ зӕйтӕ рцӕуыны тӕссагдзинады тыхххӕй гӕнӕн ис сӕхгӕной Уӕрӕсемӕ фӕндаг, бафӕдзӕхстой уӕлвӕткон уагдоны.

"Мах фӕдзӕхсӕм Хуссар Ирыстоны цӕрджытӕ ӕмӕ уазджыты, Транскам гӕнӕн ис кӕй сӕхгӕной ӕвзӕр боныгъӕд ӕмӕ зӕйтӕ рцӕуыны тӕссагдзинады тыххӕй. Мах сидӕм ӕмбӕстӕгтӕм, кӕцытӕм ис поезд ӕмӕ хӕдтӕхӕгмӕ билеттӕ ӕмӕ сӕ хъӕуы ацӕуын ахуырмӕ, кӕнӕ ӕндӕр ахсджиаг хъуыддӕгты фӕдыл, цӕмӕй фӕтагъд кӕной сӕ балц ӕмӕ сын ма фӕзына зындзинӕдтӕ фӕндагимӕ", - банысан кодта УУМ министры фыццаг хӕдивӕг Бестауты Ацӕмӕз.

Транскам у иунæг фæндаг, кæцы иу кæны Хуссар Ирыстон Уæрæсеимæ.

Ног хабӕртты лентӕ
0