МТАК къорд нысан кæны йæ сæвзæрды бон

Къæвда, нæртон симд æмæ хорзæхтæ: МТАК къорд нысан кæны йæ сæвзæрды бон

155
(ранӕуӕггонд 14:31 04.02.2020)
14 адæймаджы райстой уагдоны майдантæ "За доблестную службу", "100 лет милиции", "Лучший сотрудник спецподразделений" æмæ æндæр ахадгæ хорзæхтæ

ЦХИНВАЛ, 4 фев – Sputnik, Плиты Фатимæ. Мидхъуыддӕгты министрады тагъд архайды къорд дыццæджы нысан кæны йæ сæвзæрды бон. Барадхъахъхъæнæг органты куыстхъомдæр къордтæй иуыл 4 февралы сæххæст ис 17 азы. Бæрæгбоны цытæн къорды архайджытæ фæхайджын сты майдантæ æмæ æхцайы премитæй. Мидхъуыддæгты министрады разамынад сын дзырдтой арфæйы ныхæстæ сæ куысты тыххæй Уисты хъæуы кризисы рæстæджы.

Награждение сотрудников СОБР
© Sputnik / Наталья Айриян
МТАК къорд нысан кæны йæ сæвзæрды бон
14 адæймаджы райстой уагдоны майдантæ "За доблестную службу", "100 лет милиции", "Лучший сотрудник спецподразделений" æмæ æндæр ахадгæ хорзæхтæ.

Кусджыты цытджын ралæуд ацыд уагдоны кæрты, æнæрлæуæгæ къæвдайы бын хæцджытæ истой хорзæхтæ, байхъуыстой министр, йæ хæдивæг æмæ къорды разамонджыты арфæтæм.

"Стыр сты уæ лæггæдтæ 2008 азы хæсты рæстæджы, ис уын стыр хайбавæрд Уистæм хæстæг арæн хъахъхъæнынмæ ивгъуыд азы, хъахъхъæнут æхсæнадон фæтк. Мах алкæддæр стæм ныфсджын, МТАК къорд кæм лæууы, уым знаг кæй не ʻрбахиздзæн", - загъта МХМ хистæр Наниты Игорь.

Хорзæх кæныны церемонийы фæстæ къорды уæнгтæ равдыстой сæ арæхстдзинад æхсынæй, фенын кодтой фыдгæнджыты уромыны амæлттæ, кæронбæттæны та сарæзтой æртæярусон нæртон симдмæ æнгæс схемæ.

Награждение сотрудников СОБР
© Sputnik / Наталья Айриян
МТАК къорд нысан кæны йæ сæвзæрды бон
Мидхъуыддӕгты министрады тагъд архайды къорд сæвзæрд 2003 азы, йæ кусджытæй дыууæйæ хорзæхджын сты бæстæйы бæрзонддæр хорзæх - орден "Уацамонгæ" -йæ.

155
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7