РХИ МХМ

Хуссар Иры МХМ загътой сӕ хъуыды кусджыты мыздтӕй фӕурӕды уавӕры тыххӕй

29
Хуссар Ирыстоны МХМ баныфсӕвӕрдтой, ӕхцайы фӕрӕзтӕ ӕнӕмӕнг кӕй бафиддзысты уагдоны алкӕцы кусӕгӕн дӕр

ЦХИНВАЛ, 6 фев — Sputnik, Хъуылымбегты Елена. Хуссар Ирыстоны Мидхъуыддӕгты министрады (МХМ) кусджыты зӕрдӕмӕ нӕ фӕцыд, 2020 азы фыццаг мызд кӕй уыд къаддӕр, кӕд ӕмӕ сын хъуамӕ фӕфылдӕр уыдаид сӕ мызд.

Уый фӕдыл хъаугъатӕ фӕзынд социалон хызӕгты хуссарирыстойнаг сегменты. Уавӕр сбӕрӕг кӕныны фӕдыл Sputnik бадзырдта республикӕйы МХМ-мӕ.

2017 азӕй фӕстӕмӕ республикӕйы барадхъахъхъӕнджыты мыздтӕ фылдӕр кодтой фӕрӕзты руаджы, кӕцытӕ рахицӕн кодта Уӕрӕсе бадзырдмӕ гӕсгӕ, кӕцы бафыстой Хуссар Ирыстон ӕмӕ Уӕрӕсейы хсӕн ӕмгуыстад ӕмӕ интаграцийы бадзырды фӕлгӕтты.

Республикӕйы МХМ радзырдтой, фарон аз декабры алкӕцы кусӕгӕн дӕр кӕй фехъусын кодтой ӕмӕ лӕмбынӕгӕй радзырдтой, январы мызды хай кӕй фӕуромдзысты, бадзырды ӕмгъуыд 31 декабры 2019 азы кӕй фӕцис ӕмӕ йӕ адард кӕныны документ нырма кӕй нӕ бафыстой, уый фӕдыл.

"Мах декабры ӕрӕмбырд кодтам дӕлхайӕдты разамонджыты ӕмӕ сын бамбарын кодтам уавӕр. Рабадты докладтӕм гӕсгӕ, кусджыты иууылдӕр бамбӕрстой уавӕр", - радзырдта министры хӕдивӕг Марданты Спартак.

Афтӕ ма министры хӕдивӕг радзырдта, мыздты ӕхцайы фӕрӕзтӕ кӕй нӕ аппӕрстой ӕндӕр организацийы хыгъдмӕ, уымӕн ӕмӕ уый нӕй гӕнӕн саразын. Марданты Спартак банысан кодта, алкӕцы соммӕ дӕр сӕ цӕст кӕй дарынц Хуссар Ирыстон ӕмӕ Уӕрӕсейы Федерацийы финансты министрадтӕ. Республикӕйы МХМ нывӕзтон басгӕрсттӕ ацӕуынц дыууӕ хатт азы, уым хайад исынц Цӕгат Кавказы хъуыддӕгты фӕдыл министрады минӕвӕрттӕ.

Эльбрус Кочиев, Начальник Финансово-экономического Управления МВД РЮО
© Sputnik / Елена Кулумбегова
МХМ финансон-экономикон хайады хистӕр Коцты Эльбрус

МХМ финансон-экономикон хайады хистӕр, милицийы булкъон Коцты Эльбрус радзырдта, кусджытӕн кӕй бафиддзысты сӕ мыздты иннӕ хай дӕр секторалон бадзырд бафыссыны фӕстӕ.

"Кусджытӕ ӕнӕмӕнг райсдзысты суммӕйы хай, кӕцы уыдон нӕ райстой ацы мӕй, афтӕ ма уыдон райсдзысты фылдӕр мызд дӕр", - бахахх кодта Коцты Эльбрус.

Йӕ ныхӕстӕм гӕсгӕ, Уӕрӕсейы МХМ-имӕ иумӕ цы документ сарӕзтой Бадзырд адарддӕр кӕныны фӕдыл, уый бавдыстой Уӕрӕсейы Федерацийы хицауадмӕ, цӕмӕй ӕркӕсой йӕ бафыссыны фарстмӕ.

Марданты Спартак бафтыдта, бадзырд бафыссын цымыдис кӕны ӕрмӕст хуссарирыстойнаг фарсы нӕ, фӕлӕ ма сӕ коллегӕты дӕр Уӕрӕсейӕ.

29
Цхинвалы аразынц ног цӕрӕн корпус Хъайтарты уынгыл

Цхинвалы аразынц ног цӕрӕн корпус Хъайтарты уынгыл

3
Корпус аразынц хӕдзары бынаты, кӕцы бахъыгдард ис 2008 азы хӕсты рӕстӕджы. Арӕзтад райдыдта ацы аз августы, объект эксплуатацимӕ ратдзысты 2021 азы кӕрӕтты

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы активон темптӕй цӕуы ног фондзуӕладзыгон хӕдзары арӕзтад Хъайтарты уынджы кӕроны. Хӕдзар аразынц 118-ӕм корпусы бӕсты, кӕцы бахъыгдард ис 2008 азы хӕсты рӕстӕджы.

Ног хӕдзары дӕр уыдзӕн 60 фатеры. Йӕ арӕзтадмӕ "СТМ-ЮГ" фирмӕ ӕрӕвнӕлдта июлы. Абоны бон аразджытӕ фӕуд кӕнынц ӕртыккаг уӕладзыджы арӕзтад. Арӕзтадон организацийы минӕвар Джиоты Андрей фехъусын кодта Sputnik, объектыл кӕй архайынц 50 кусӕджы.

Йӕ ныхӕстӕм гӕсгӕ арӕзтад адарддӕр уыдзӕн зымӕгон периоды дӕр. Ис нӕм сӕрмагонд фӕрӕзтӕ, кӕцыты руаджы фадат ис кусын уазал боныгъӕды рӕстӕджы дӕр.

"Бӕстыхӕйтты та сӕвӕрдзыстӕм хъармгӕнӕн ифтоггарз мидӕггагон куыстытӕн", - загъта Джиоты Андрей.

Бирӕуӕладзыгон хӕдзары арӕзтад балхынцъ кӕндзысты фидӕн азы кӕрӕттӕм.

Хӕсты рӕстӕджы цы бирӕуӕладзыгон хӕдзар бахъыгдард ис, уый цӕрджытӕ бирӕ хатт бадзырдтой хицауадмӕ, цӕмӕй ацы хӕдзар ныппырх кӕной ӕмӕ ног саразой. Ныр ацы фарст аскъуыддзаг кодтой. Объект бахастой 2020-2022 азты инвестицион нывӕзтмӕ.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

3
зынфӕдисонты къордтӕ

Трансформатор РБМЦ ссыгъд цыбыр аныдзӕвды тыххӕй. Зынгсирвӕзт ахуыссын кодтой

2
(ранӕуӕггонд 13:43 30.11.2020)
Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы бирӕпрофилон медицинон центры инфекцион рынчындоны трансформаторы ссыгъды аххосаг уыд цыбыр аныдзӕвд, уӕлвӕткон цау ныридӕгӕн аиуварс кодтой, фехъусын кодтой Sputnik Хуссар Ирыстоны УУМ радгӕсон хайады.

"Зынгсирвӕзт ахуыссын кодтой. Йӕ ахоссаг ссис цыбыр аныдзӕвд. Цауы бынаты куыстой зынфӕдисонтӕ ӕмӕ ирвӕзынгӕнджытӕ", - загътой радгӕсон хайады.

Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ.

2
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

0
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

0