Владимир Путин ӕмӕ Бибылты Анатолий

Владимир Путин раарфӕ кодта Бибылты Анатолийӕн йӕ юбилейы цытӕн

15
(ранӕуӕггонд 12:04 06.02.2020)
Уӕрӕсейы Федерацийы президент, хицауады сӕрдар ӕмӕ Федерацийы советы сӕрдары арфӕйы телтӕ Бибылты Анатолийӕн радта Уӕрӕсейы минӕвар Хуссар Ирыстоны

ЦХИНВАЛ, 6 фев — Sputnik. Уӕрӕсейы Федерацийы президент Владимир Путин барвыста арфӕйы тел хуссарирыстойнаг лидер Бибылты Анатолийӕн йӕ 50 азы юбилейы цытӕн.

"Ды хӕссыс стыр хайбавӕрд нӕ бӕстӕты хсӕн хӕларадон ахастытӕ ӕмӕ интеграцион ӕмгуыстады райрӕзтмӕ. Уырны мӕ, иумӕйаг тыхтӕй дарддӕр кӕй фидар кӕндзыстытӕм уӕрӕсейаг-хуссарирыстойнаг бастдзинӕдтӕ алкӕцы фадыджы дӕр", - дзырдӕуы Путины арфӕйы тексты.

УФ президент арфӕйы тел Битбылты Анатолийӕн бафарста Уӕрӕсейы минӕвар Хуссар Ирыстоны Марат Кулахметов, хъусын кӕны паддзахады сӕргълӕууӕджы пресс-службӕ. Афтӕ ма минӕвар радта УФ хицауады сӕрдар Михаил Мишустин ӕмӕ УФ Федерацийы советы сӕрдар Валентина Матвиенкойы арфӕйы телтӕ.

Бибылты Анатолий загъта бузныг арфӕтӕ ӕмӕ хъарм ныхӕсты тыххӕй.

"Фӕнды мӕ зӕгъын бузныг Уӕрӕсейы Федерацийы къухдариуӕгад Владимир Путины сӕргълӕудӕй цы хорздзинӕдтӕ аразы Хуссар Ирыстоны адӕмӕн, уый тыхххӕй", - загъта президент.

Паддзахады сӕргълӕууӕг бафтыдта, дыууӕ бӕстӕйы хсӕн конструктивон ахастытӕ дарддӕр кӕй райтынг уыдзысты.

15
Цхинвалы аразынц ног цӕрӕн корпус Хъайтарты уынгыл

Цхинвалы аразынц ног цӕрӕн корпус Хъайтарты уынгыл

3
Корпус аразынц хӕдзары бынаты, кӕцы бахъыгдард ис 2008 азы хӕсты рӕстӕджы. Арӕзтад райдыдта ацы аз августы, объект эксплуатацимӕ ратдзысты 2021 азы кӕрӕтты

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы активон темптӕй цӕуы ног фондзуӕладзыгон хӕдзары арӕзтад Хъайтарты уынджы кӕроны. Хӕдзар аразынц 118-ӕм корпусы бӕсты, кӕцы бахъыгдард ис 2008 азы хӕсты рӕстӕджы.

Ног хӕдзары дӕр уыдзӕн 60 фатеры. Йӕ арӕзтадмӕ "СТМ-ЮГ" фирмӕ ӕрӕвнӕлдта июлы. Абоны бон аразджытӕ фӕуд кӕнынц ӕртыккаг уӕладзыджы арӕзтад. Арӕзтадон организацийы минӕвар Джиоты Андрей фехъусын кодта Sputnik, объектыл кӕй архайынц 50 кусӕджы.

Йӕ ныхӕстӕм гӕсгӕ арӕзтад адарддӕр уыдзӕн зымӕгон периоды дӕр. Ис нӕм сӕрмагонд фӕрӕзтӕ, кӕцыты руаджы фадат ис кусын уазал боныгъӕды рӕстӕджы дӕр.

"Бӕстыхӕйтты та сӕвӕрдзыстӕм хъармгӕнӕн ифтоггарз мидӕггагон куыстытӕн", - загъта Джиоты Андрей.

Бирӕуӕладзыгон хӕдзары арӕзтад балхынцъ кӕндзысты фидӕн азы кӕрӕттӕм.

Хӕсты рӕстӕджы цы бирӕуӕладзыгон хӕдзар бахъыгдард ис, уый цӕрджытӕ бирӕ хатт бадзырдтой хицауадмӕ, цӕмӕй ацы хӕдзар ныппырх кӕной ӕмӕ ног саразой. Ныр ацы фарст аскъуыддзаг кодтой. Объект бахастой 2020-2022 азты инвестицион нывӕзтмӕ.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

3
зынфӕдисонты къордтӕ

Трансформатор РБМЦ ссыгъд цыбыр аныдзӕвды тыххӕй. Зынгсирвӕзт ахуыссын кодтой

2
(ранӕуӕггонд 13:43 30.11.2020)
Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы бирӕпрофилон медицинон центры инфекцион рынчындоны трансформаторы ссыгъды аххосаг уыд цыбыр аныдзӕвд, уӕлвӕткон цау ныридӕгӕн аиуварс кодтой, фехъусын кодтой Sputnik Хуссар Ирыстоны УУМ радгӕсон хайады.

"Зынгсирвӕзт ахуыссын кодтой. Йӕ ахоссаг ссис цыбыр аныдзӕвд. Цауы бынаты куыстой зынфӕдисонтӕ ӕмӕ ирвӕзынгӕнджытӕ", - загътой радгӕсон хайады.

Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ.

2
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

0
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

0