Бибылты Анатолий

Хуссар Иры президент нысан кӕны йӕ юбилей

12
(ранӕуӕггонд 12:59 06.02.2020)
Республикӕ Хуссар Ирыстоны сӕргълӕууӕг цыппӕрӕмы нысан кӕны йӕ 50 азы юбилей. Президенты цыбыр биографи ӕмӕ йӕ нывӕзтытӕ абоны бонмӕ – Sputnik ӕрмӕджы

ЦХИНВАЛ, 6 фев – Sputnik. Хуссар Ирыстоны президент Бибылты Анатолий цыппӕрӕмы нысан кӕны йӕ юбилей – хуссарирыстойнаг лидерыл сӕххӕст 50 азы. Паддзахады сӕргълӕууӕджы пресс-секретарь Гасситы Дина куыд радзырдта Sputnik, афтӕмӕй президент ӕрвиты абоны бон куысты.

"Президенты графикы сты кусӕгон фембӕлдтӕ, рабадтытӕ, кӕцыты рӕстӕджы йын арфӕ кӕнынц йӕ коллегӕтӕ, республикӕйы министрадтӕ ӕмӕ уагдӕтты разамонджытӕ", - радзырдта Гасситы Дина.

Пресс-секретарь банысан кодта, фыццаг Бибылты Анатолийӕн кӕй раарфӕ кодта Уӕрӕсейы минӕвар Хуссар Ирыстоны Марат Кулахметов, кӕцы радта республикӕйы сӕргълӕууӕгӕн арфӕйы телтӕ Уӕрӕсейы президент Владимир Путин, УФ хицауады сӕрдар Михаил Мишустин ӕмӕ УФ Федерацийы советы сӕрдар Валентина Матвиенкойӕ.

Биографион справкӕ

Бибылты Анатолий райгуырд 1970 азы 6 февралы Цхинвалы кусӕгон бинонты. Ӕстӕм къласы фӕстӕ бацыд инӕлар-булкъон Константин Лесидзейы номыл скъола-интернатмӕ горӕт Тбилисы, цы ран фылдӕр хъусдард здӕхт уыд уырыссаг ӕвзаг ӕмӕ ӕфсӕддон-физикон цӕттӕкӕнынадмӕ.

1988 азы бацыд Ленины Комсомолы номыл Рязаны Уӕлдӕфон-десантон ӕфсады (УДӔ) ахуыргӕнӕндонмӕ. Уыд ахуыргӕнӕндон ӕмӕ Псковы дивизийы чемпион ӕфсӕддон ӕрмбуар тохӕй.

Ахуыры фӕстӕ службӕ кодта Псковы уӕлдӕфон-десантон дивизийы, цы ран уыцы рӕстӕджы арӕзтой сӕрибар батальон фидауынгӕнӕн операцийы тыххӕй Хуссар Ирыстоны. 1922 азы уыцы батальоны сконды ӕрыздӕхт йӕ Фыдыбӕстӕмӕ. Уый фӕстӕ службӕ кодта Хуссар Ирыстоны Гарзджын тыхты, цы ран командӕ кодта сӕрмагонд нысаниуӕджы ротӕйӕ.

1996-1998 ӕзты цардис ӕмӕ куыста Киевы.

1998-2008 ӕзты службӕ кодта цӕгатирыстойнаг фидауынгӕнӕн тыхты батальоны Хуссар Ирыстоны ротӕйы командӕгӕнӕджы бынаты, уый фӕстӕ та ссис батальоны командӕгӕнӕджы хӕдивӕг.

2008 азы августы активон хайад иста Гуырдзыстонимӕ хӕсты. Хӕсты рӕстӕджы райста дыууӕ цӕфы.

2008 азы октябры йӕ сӕвӕрдтой РХИ Уӕлвӕткон уавӕрты министрады сӕргълӕууӕгӕй. Ис ын инӕлар-лейтенанты ном.

2008 азы йӕ хъабатырдзинад ӕмӕ стыр хайбавӕрды тыххӕй хӕсты уӕлахизы йӕ схорзӕхджын кодтой Республикӕ Хуссар Ирыстоны иууыл бӕрзонддӕр хорзӕх "Уацамонгӕ"-йы Орденӕй.

2011 азы сентябры Уӕрӕсейы Федерацийы президенты барамындмӕ гӕсгӕ йын радтой Хӕларады Орден стыр хайбавӕрды тыххӕй уӕрӕсейаг-хуссарирыстойнаг ахастыты райрӕзтмӕ.

2014 азы 23 июны йӕ равзӕрстой Республикӕ Хуссар Ирыстоны Парламенты сӕргълӕууӕгӕй.

2017 азы апрелы йӕ равзӕрстой Хуссар Ирыстоны президентӕй, фыццаг туры райста ӕвзарджыты хъӕлӕсты 55 проценты.

Ис ын ус, цыппар хъӕбулы.

12
Цхинвалы аразынц ног цӕрӕн корпус Хъайтарты уынгыл

Цхинвалы аразынц ног цӕрӕн корпус Хъайтарты уынгыл

3
Корпус аразынц хӕдзары бынаты, кӕцы бахъыгдард ис 2008 азы хӕсты рӕстӕджы. Арӕзтад райдыдта ацы аз августы, объект эксплуатацимӕ ратдзысты 2021 азы кӕрӕтты

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы активон темптӕй цӕуы ног фондзуӕладзыгон хӕдзары арӕзтад Хъайтарты уынджы кӕроны. Хӕдзар аразынц 118-ӕм корпусы бӕсты, кӕцы бахъыгдард ис 2008 азы хӕсты рӕстӕджы.

Ног хӕдзары дӕр уыдзӕн 60 фатеры. Йӕ арӕзтадмӕ "СТМ-ЮГ" фирмӕ ӕрӕвнӕлдта июлы. Абоны бон аразджытӕ фӕуд кӕнынц ӕртыккаг уӕладзыджы арӕзтад. Арӕзтадон организацийы минӕвар Джиоты Андрей фехъусын кодта Sputnik, объектыл кӕй архайынц 50 кусӕджы.

Йӕ ныхӕстӕм гӕсгӕ арӕзтад адарддӕр уыдзӕн зымӕгон периоды дӕр. Ис нӕм сӕрмагонд фӕрӕзтӕ, кӕцыты руаджы фадат ис кусын уазал боныгъӕды рӕстӕджы дӕр.

"Бӕстыхӕйтты та сӕвӕрдзыстӕм хъармгӕнӕн ифтоггарз мидӕггагон куыстытӕн", - загъта Джиоты Андрей.

Бирӕуӕладзыгон хӕдзары арӕзтад балхынцъ кӕндзысты фидӕн азы кӕрӕттӕм.

Хӕсты рӕстӕджы цы бирӕуӕладзыгон хӕдзар бахъыгдард ис, уый цӕрджытӕ бирӕ хатт бадзырдтой хицауадмӕ, цӕмӕй ацы хӕдзар ныппырх кӕной ӕмӕ ног саразой. Ныр ацы фарст аскъуыддзаг кодтой. Объект бахастой 2020-2022 азты инвестицион нывӕзтмӕ.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

3
зынфӕдисонты къордтӕ

Трансформатор РБМЦ ссыгъд цыбыр аныдзӕвды тыххӕй. Зынгсирвӕзт ахуыссын кодтой

2
(ранӕуӕггонд 13:43 30.11.2020)
Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы бирӕпрофилон медицинон центры инфекцион рынчындоны трансформаторы ссыгъды аххосаг уыд цыбыр аныдзӕвд, уӕлвӕткон цау ныридӕгӕн аиуварс кодтой, фехъусын кодтой Sputnik Хуссар Ирыстоны УУМ радгӕсон хайады.

"Зынгсирвӕзт ахуыссын кодтой. Йӕ ахоссаг ссис цыбыр аныдзӕвд. Цауы бынаты куыстой зынфӕдисонтӕ ӕмӕ ирвӕзынгӕнджытӕ", - загътой радгӕсон хайады.

Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ.

2
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

0
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

0