Хуссар Иры Хъахъхъӕнынады министрады дӕлхайад хайад райсдзӕн ахуырыты Кавказ-2020

Хуссар Иры Хъахъхъӕнынады министрады дӕлхайад хайад райсдзӕн ахуырты "Кавказ-2020"

12
(ранӕуӕггонд 14:54 06.02.2020)
Стратегион командон-штабон ахуыртӕ "Кавказ-2020" ацӕудзысты 2020 азы сентябры. Иумӕйагӕй дзы хайад райсдзысты ӕфсӕддонтӕ 17 бӕстӕйӕ

ЦХИНВАЛ, 6 фев - Sputnik, Чехойты Инга. Хуссар Ирыстоны ӕфсӕддонтӕ хайад райсдзысты стратегион командон ахуырты "Кавказ-2020", кӕцытӕ ацӕудзысты Уӕрӕсейы Федерацийы Хъахъхъӕнынады министрады къухдариуӕгады бын. Уый тыххӕй 2019 азӕн хатдзӕгтӕ скӕныны рӕстӕджы фехъусын кодта РХИ хъахъхъӕнынады министр, инӕлар-лейтенант Гассеты Ибрагим.

Ахуырты хайад райсдзӕн ӕхсыны батальон, кӕцы сарӕзтой июль-августы РХИ президенты барамындӕй ӕфсӕддон рӕвдзыты ауадзыны фӕдыл ацы аз.

Интервьюйы Sputnik Хуссар Ирыстоны хъахъхъӕнынады министр Гассеты Ибрагим банысан кодта, ахӕм егъау ахуырты Гарзджын тыхты ӕфсӕддонтӕ фыццаг хатт хайад райсдзысты.

"Нӕ хайадист ахӕм ахсджиаг ахуырты фӕфылдӕр кӕндзӕн нӕ ӕфсӕдты дӕлхайӕдты ӕмархайд, фӕфылдӕр кӕндзӕн нӕ офицерты профессионалон миниуджытӕ", - загъта министр.

УФ хъахъхъӕнынады министр, ӕфсады инӕлар Сергей Шойгу банымадта ацы ахуыртӕ иууыл ахсджиагдӕр мадзалыл Уӕрӕсейы Гарзджын тыхты хӕстон цӕттӕкӕнынады ацы аз. Ахуырты "Кавказ-2020" хайад райсдзысты ӕфсӕддонтӕ 17 бӕстӕйӕ.

Афтӕ ма Гассеты Ибрагим радзырдта, УФ Хъахъхъӕнынады министрадимӕ ӕмархайд кӕй ӕххӕст кодтой дыууӕварсон бадзырдты фӕлгӕтты ӕфсӕддон-техникон ӕмгуыстады фӕдыл, РХИ ӕфсӕддонты медицинон ифтонггады фӕдыл ӕмӕ ӕндӕрты.

Уымӕй дарддӕр инӕлар-лейтенант банысан кодта, ӕрвылбон кӕй ӕмгуыстад кӕнынц 4-ӕм Гвардейон ӕфсӕддон базӕйы къухдариуӕгадимӕ.

12
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

3
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

3
Цӕгат Иры райдыдтой Ног азмӕ цӕттӕ кӕнын

Цӕгат Иры райдыдтой Ног азмӕ цӕттӕ кӕнын

0
(ранӕуӕггонд 09:21 04.12.2020)
Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ

ЦХИНВАЛ, 4 дек - Sputnik. Цӕгат Ирыстоны райдыдой Ног азмæ цæттæ кæнын. Бæлвырддæр та — аив кæнынц уæнгтæ, хъусын кӕны ПТРК "Алания".

Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ.

"Ног азмæ саив кæндзысты Сæрибары, Адæмы хæттыты хæлардзинады, Фонтанты, Хетæгкаты Къостайы номыл парчы фæзтæ. Стæй Кировы, Цæнгæт æмæ Пожарскийы уынджы хидтæ. Уымæй уæлдай аив цырæгътæй сæрттивдзысты горæты бирæ уынгтæ", - дзырдӕуы хъусинаджы.

Столицӕйы Центрон парчы уыдзæнис бæрæгбоны сæйраг зонæ, Митын Дадайы ног хæдзаримæ. Уым ма уыдзæн хуызистытæн сæрмагонд бынат дæр. Ног азы бæрæгбæтты фæзтæ байгом кæныны тыххæй горæты администраци хъусын кæндзæни рагагъоммæ.

0