Игорь Галь

Мӕскуыйы фӕстаг хӕрзбон загътой уӕрӕсейаг уынаффӕгӕнӕг Игорь Гальӕн

17
(ранӕуӕггонд 13:08 10.02.2020)
Игорь ӕмӕ Ирина Галь ахицӕн сты сӕ цардӕй ӕртыккӕгӕм февралы Цхинвалы. Цауы ӕууӕлтӕ бӕрӕг кӕны ӕхсӕнуагдонон фӕдагуырды-оперативон къорд, кӕцы сарӕзта Хуссар Ирыстоны генералон прокуратурӕ

ЦХИНВАЛ, 7 фев – Sputnik, Козаты Диана. Мӕскуыйы майрӕмбоны фӕстаг хӕрзбон загътой Хуссар Ирыстоны ӕнӕниздзинад хъахъхъӕнынады фарстыты фӕдыл уӕрӕсейаг уынаффӕгӕнӕг Игорь Галь ӕмӕ йе 'мкъай Ирина Гальӕн. Церемонийы хайад райста республикӕйы Ӕнӕниздзинад хъахъхъӕнынады министрады къухдариуӕгад, фехъусын кодтой уагдоны пресс-службӕйы.

Игорь ӕмӕ Ирина Галь ахицӕн сты сӕ цардӕй 3 февралы, сӕ мӕрдон буӕрттӕ сын ссардтой сӕ хӕдзары Цхинвалы. Тӕрхондоны медицинон экспертизӕ сбӕрӕг кодта, уыдон кӕй амардысты газӕй фӕхъӕстӕйы фӕстиуӕгӕн.

"Граждайнаг панихидӕ ацыд Боткины рынчындоны Ритуалон комплексы Мӕскуыйы. Уым хайад райста республикӕйы ӕнӕниздзинад хъахъхъӕнынады министр Тотчиты Георгий ӕмӕ йӕ хӕдивӕг Зассеты Ӕхсар. Президент Бибылты Анатолийы фондӕй рахицӕн кодтой фӕрӕзтӕ зиан сорганизаци кӕнынӕн", - загъта Ӕнӕниздзинад хъахъхъӕнынады министрады пресс-секретарь Битеты Ирина.

Игорь ӕмӕ Ирина Галы бавӕрдтой Старо-Марковскийы уӕлмӕрды Мӕскуыйы.

Уынаффӕгӕнӕг ӕмӕ йе 'мкъайы мӕрдон буӕрттӕ ссардтой къуырисӕры сӕ хӕдзары Харебаты Исахъхъы уынгыл Цхинвалы. Тӕрхондоны медицинон экспертизӕ сбӕрӕг кодта, уыдон кӕй амардысты газӕй фӕхъӕстӕйы фӕстиуӕгӕн.

17
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7