Цхинвалмæ æрцыдысты ИНО, ОБСЕ æмæ ЕЦ минæвæрттæ

Хуссар Иры хицауад æруынаффæ кодта æхсæнадæмон æхсæны лæгтимæ арæны уавæрыл

14
(ранӕуӕггонд 13:32 11.02.2020)
Дыццæджы æхсæнадæмон дискусситы æмсæрдæрттæ æрцыдысты Цхинвалмæ, цæмæй æруынаффæ кæной республикæ æмæ Гуырдзыстоны хсæн паддзахадон арæны уавæрыл, афтæ ма Женевæйы радон фембæлды боны фæткыл

ЦХИНВАЛ, 11 фев – Sputnik, Козаты Диана. Хуссар Ирыстон нæ хъавы рахизын Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматæй, загъта фæсконфликтон уавæр æрнывыл кæныны фæдыл РХИ президенты ӕххӕстбарджын минӕвар Джиоты Мурæт Женеваг дискуситы æмсæрдæрттимæ фембæлды рæстæджы.

Встреча представителей власти Южной Осетии с сопредседателями Женевских дискуссий
© Sputnik / Наталья Айриян
Цхинвалмæ æрцыдысты ИНО, ОБСЕ æмæ ЕЦ минæвæрттæ
Дыццæджы Цхинвалмæ æрцыдысты ИНО, ОБСЕ æмæ ЕЦ минæвæрттæ. Хуссарирыстойнаг делегацийы минæвæрттимæ фембæлды дзырд цæуы дискусситы радон раунды боны фæткыл, Уисты хъæуы уавæр æмæ Хуссар Ир æмæ Гуырдзыстоны хсæн арæны сæрты уадзæн пунктты сæхгæдыл.

"Мах стыр нысаниуæг дæттæм Женеваг дискусситæм, уæлдайдæр та Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматæн. Уый ахъаз кæны мирæ проблемæтæ аскъуыддзаг кæнынæн. Мах нæ хъавæм уыцы форматæй рахизынмæ æмæ фембæлдтæм цæудзыстæм раздæрау. Зæгъæм, Уисты уавæры фендыгъды фæстæ мах ауагътам авд фембæлды ИӔАМ форматы", - загъта Джиоты Мурæт.

Йæ ныхæстæм гæсгæ, Уисты хъæуы уавæр нырма дæр не 'рнывыл ис, æмæ кæд фæзыной фарстытæ, кæцытæ домдзысты тагъд скъуыддзаг, уæд Хуссар Ирыстон уайтагъд дæр цæттæ уыдзæн ИӔАМ форматы фембæлдмæ.

Встреча представителей власти Южной Осетии с сопредседателями Женевских дискуссий
© Sputnik / Наталья Айриян
Цхинвалмæ æрцыдысты ИНО, ОБСЕ æмæ ЕЦ минæвæрттæ
Президенты æххæстбарджын минæвар ма бузныг загъта æмсæрдæрттæн сæвзæргæ уавæрæй рахизыны фадæттæ ссарыны хъуыддаджы, афтæ ма тыхæй ма спайда кæныны фæдыл юридикон документ бафыссыны фæдыл сæ куысты тыххæй.

Встреча представителей власти Южной Осетии с сопредседателями Женевских дискуссий
© Sputnik / Наталья Айриян
Цхинвалмæ æрцыдысты ИНО, ОБСЕ æмæ ЕЦ минæвæрттæ

Евроцæдисæй æмсæрдар Тойво Клаар равдыста ныфс, диалог кæй уыдзæн продуктивон æмæ банысан кодта, кæй йæ фæндит æрдзурын арæны сæрты уадзæн пунктты сæхгæдыл. 

"Мах цæуыл дзурæм, уыдон иууылдæр сты здæхт адæмы цард фæрогдæр кæнынмæ. Иумæ ахъуыды кæнæм, куы цæрджыты уавæр куыд фæхуыздæр кæнæм, ууыл", - бахахх кодта Клаар.

Фембæлд традицимæ гæсгæ адарддæр ис æхгæд дуæртты фæстæ æнæ журналисттæй.

14
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7