Хуссар Иры динамонджытæ сарæзтой балц Кенимæ

Хуссар Иры динамонджытæ сарæзтой балц Кениямæ

191
(ранӕуӕггонд 11:39 12.02.2020)
Алайнаг епархийы хистæр епископ Амвросий, протопресвитер Иаков (Хетæгкаты) æмæ иерей Симон (Гаглойты) федтой Скæсæн Африкæйы цард, ауагътой Хуыцаумæ скуывдтæ, бабæрæг кодтой моладзандонтæ æмæ скъолатæ

ЦХИНВАЛ, 12 фев – Sputnik, Плиты Фатимæ. Хуссар Ирыстоны Алайнаг епархийы динамонджытæ сарæзтой рæстдинон балц Скæсæн Африкæмæ. Епископ Амвросий Кенимæ цæуы æрвылаз, фæлæ ныр фыццаг хатт йемæ бамбал сты протопресвитер Иаков (Хетæгкаты) æмæ иерей Симон (Гаглойты), фехъусын кодтой Sputnik епархийы пресс-службæйы.

Балц Скæсæн Африкæйы бæстæ Кениямæ уыд январы кæрæтты. Алайнаг епархийы динамонджытæ уыдысты провинци Эмбуйы.

"Нæ бон-иу райдыдтам райсом 7 сахатыл, уагътам Хуыцауы литургитæ, стæй провинци Эмбуйы цыдыстæм моладзандонтæм æмæ аргъуантæм. Бабæрæг ма кодтам скъола æмæ аныхас кодтам сывæллæттимæ, балæвар сын кодтам дзуæрттæ æмæ уазнывтæ ", - фехъусын кодта пресс-службæ фыд Иаковы ныхæстæ.

Пресс-службæйы ма радзырдтой, уæлдай тынг динамонджытыл цы бандæвта сæ балцы рæстæджы.

Пастырский визит священников Аланской епархии в Кению
Пресс-служба Аланской епархии
Хуссар Иры динамонджытæ сарæзтой балц Кенимæ

"Кенияйы æрмæстдæр фыццаг æртæ къласы сты æнæаргъæй, уый дæр стыр æнтыст у бæстæйæн, уый дæр бантыст саразын чырыстон хæрзгæнæг Иоанн Кетенгуйы фæрцы. Кæд бæстæ уадиссаджы размæцыд нæу, уæддæр сæм ис аудæгæ ахаст сæ æрдзмæ. Уым тобæгонд у пластикæй пайда кæнын. Кени у национ парктæ æмæ æвæрд бынæтты нымæцæй лидер дунейы", - бафтыдтой уым.

  • Хуссар Иры динамонджытæ сарæзтой балц Кенимæ
    Хуссар Иры динамонджытæ сарæзтой балц Кенимæ
    Пресс-служба Аланской епархии
  • Хуссар Иры динамонджытæ сарæзтой балц Кенимæ
    Хуссар Иры динамонджытæ сарæзтой балц Кенимæ
    Пресс-служба Аланской епархии
  • Хуссар Иры динамонджытæ сарæзтой балц Кенимæ
    Хуссар Иры динамонджытæ сарæзтой балц Кенимæ
    Пресс-служба Аланской епархии
1 / 3
Пресс-служба Аланской епархии
Хуссар Иры динамонджытæ сарæзтой балц Кенимæ

Республикæ Кения у Скæсæн Африкæйы бæстæ. Раздæр уый уыд Британийы колони æмæ протекторат, 1963 азы райста хæдбардзинад. Географион æгъдауæй æвæрд у паддзахæдтæ - Уганда, Эфиопи, Судан æмæ Танзанияйы хсæн. Ис ын ахизæн Индийаг океан æмæ цад Викторимæ. Бæстæйæн сæйраг пайда хæссы цай, кофе, туризм, дидинæг æмæ пайдаджын къахинæгтæ.

191
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1