Наниты Игорь

Хуссар Иры мидхъуыддæгты министр æрдомдта йæ кусджытæй дисциплинæйыл схæцын

17
(ранӕуӕггонд 15:57 12.02.2020)
Наниты Игорь банысан кодта, кæй хъæуы фæкарздæр кæнын фыдракæндты ныхмæ тох, æмæ цæрджытимæ та ахастытæ фæхуыздæр кæнын

ЦХИНВАЛ, 12 фев - Sputnik. Хуссар Ирыстоны мидхъуыддæгты министр Наниты Игорь радон оперативон рабадты рæстæджы æрдомдта схæцын кусæгон дисциплинæйыл æмæ алы дæлхайады дæр фæхуыздæр кæнын физикон, хæстон æмæ æхстон цæттæдзинад.

Министрады пресс-службæ куыд хъусын кæны, афтæмæй Наниты Игорь бахæс кодта принципиалонæй аскъуыддзаг кæнын кусæгон дисциплинæйы фарст.

Уымæй дарддæр ма уагдоны сæргълæууæг радта хæслæвæрдтæ наркотикон буарæдты ныхмæ тохы хайад, Криминалон милици æмæ районон управлениты сæргълæуджытæн, цæмæй фæкарздæр кæной фыдракæндты ныхмæ тох. Уæлдай хъусдард аздæхтæуыд наркотикон буарæдты æнæзаконон зилдухæн кæрон скæныныл бакусынмæ. Фадыгон милицонертæй та Нанинты Игорь æрдомдта, цæмæй фæхуыздæр кæной сæ ахастытæ цæрджытимæ.

17
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1
Коронавирус

Хуссар Иры сбӕрӕг кодтой коронавирусӕй 27 ног рынчыны

2
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2