Цхинвалы фыццаг сабидон

"Уарзт нæм бирæ ис": куыд бакодтой Цхинвалы "фыццаг" сабидон

19
(ранӕуӕггонд 18:09 12.02.2020)
Ивгъуыд аз декабры бæстыхай радтой эксплуатацимæ, æртæ боны размæ сабидон райста йæ хъомылгæнинæгты

ЦХИНВАЛ, 12 фев – Sputnik, Козаты Диана. Къуырисæры йæ дуæрттæ бакодта Чиаты Иосифы уынгыл уæвæг ног арæзт сабидон №1 "Æфсир".

2008 хæсты фæстæ ацы бынаты рæстæгмæ уæвынад кодта Мидхъуыддæгты министрады горæты хайад, уыдон сæ ног бынатмæ куы ацыдысты, уæд ам райдыдтой арæзтадон куыстытæ. Ивгъуыд аз декабры бæстыхай радтой эксплуатацимæ, æртæ боны размæ сабидон райста йæ хъомылгæнинæгты.

Детский сад Афсир
© Sputnik / Наталья Айриян
Цхинвалы "фыццаг" сабидон

Райдзаст æмæ уæрæх хъазæн хатæнтæ, ног хъазæнтæ, хуыссæнуаттæ ног ифтонгадимæ, кæрты уæрæх хъазæн фæзуаттæ, спортивон зал сывæллæтты тренажертимæ æмæ бирæ æндæр æвæрццаг фæзындтæ ис ацы сабидоны.

"Сабидонæн ма йæ бон у райсын ноджы 40 сывæллоны", – загъта сабидоны хистæр Гасситы Фатимæ.

Уагдон нымад у 160 сабийыл, уыдонæй 120 сабидонмæ цæуынц. "Æфсир" у иунæг сабидон, кæцыйы ис коррекцион къорд. Ныридæгæн ма сын нæ фаг кæны æрмæст чингуытæ æмæ хъазæнтæ.

Детский сад Афсир
© Sputnik / Наталья Айриян
Цхинвалы "фыццаг" сабидон

Ӕртыццæджы уагдон бабæрæг кодта президент Бибылты Анатолий. Паддзахады разамонæгæн сарæзтой экскурси уагдоны.

"Уæлдай æхсызгон мын у сабидон кæнын, уымæн æмæ æз мæхæдæг дæр цыдтæн ацы уагдонмæ. Зæрдæ райы 2008 азы хæсты фæстæ ам цы пырхæнтæ уыд, уыдон бынаты кæй фæзынд ахæм рæсугъддзинад", - загъта президент.

Уый ма банысан кодта, тагъд рæстæджы ма Цхинвалы бакæндзысты ноджы иу ахæм рæсугъд сабидон, уый та уыдзæн Гуыбаты æфсымæрты уынгыл.

  • Цхинвалы фыццаг сабидон
    Цхинвалы "фыццаг" сабидон
    © Sputnik / Наталья Айриян
  • Цхинвалы фыццаг сабидон
    Цхинвалы "фыццаг" сабидон
    © Sputnik / Наталья Айриян
  • Открытие детского сада Афсир
    Цхинвалы "фыццаг" сабидон
    © Sputnik / Наталья Айриян
  • Цхинвалы фыццаг сабидон
    Цхинвалы "фыццаг" сабидон
    © Sputnik / Наталья Айриян
  • Цхинвалы фыццаг сабидон
    Цхинвалы "фыццаг" сабидон
    © Sputnik / Наталья Айриян
1 / 5
© Sputnik / Наталья Айриян
Цхинвалы "фыццаг" сабидон

 

19
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1
Рес-ы сайт

Хуссар Иры фыццаг информагентадыл сӕххӕст 25 азы. Sputnik раарфӕ кодтой сӕ коллегӕтӕн

2
(ранӕуӕггонд 12:31 02.12.2020)
Агентад сарӕзтой Хуссар Ирыстоны уӕззау рӕстӕджыты, ӕмӕ йӕ сӕвзӕрдӕй фӕстӕмӕ ссис республикӕйы

ЦХИНВАЛ, 2 дек - Sputnik. Хуссар Ирыстоны фыццаг паддзахадон информацион агентад "Рес" ӕртыццӕджы нысан кӕны йӕ сӕвзӕрдыл 25 азы сӕххӕст. Агентад сарӕзтой республикӕйы информаци ӕмӕ мыхуыры министрады цур 1995 азы 2 декабры 1989-2008 азты Фыдыбӕстон хӕсты рӕстӕджы.

Информацион агентадыл сӕвӕрдтой хох Ресы ном. Хох Рес ис дыууӕ республикӕйы хсӕн ӕмӕ йын ис стыр нысаниуӕг Ирыстоны алкӕцы патриотӕн дӕр. Ацы хохӕн йӕ поэмӕйы скад кодта номдзыд ирон поэт Плиты Хаджумар. Уый у Ирыстоны иудзинады символ.

"Рес"-ӕн официалон сайт фӕзынд 2003 азы 7 апрелы, уый фӕдыл интернеты алкӕцы пайдагӕнӕгӕн дӕр фӕзынд фадат исын информаци РХИ цауты тыххӕй.

"Фӕлтӕрддзинад равдыста, Хуссар Ирыстоны мидӕггагон ӕмӕ ӕддагон политикӕмӕ кӕй ис стыр интерес. Абоны бон ног хабӕрттӕ ӕмӕ комментаритӕ, кӕцытӕ вӕййынц cominf.org сайтыл, пайда кӕнынц сӕ хъусинӕгты дард ӕмӕ ӕввахс фӕсарӕнты автоитетон ДИФ-тӕ. Сайтыл ӕрвылбонон ног хабӕрттӕй дарддӕр ис информаци Хуссар Ирыстоны историйы тыххӕй, аналитикӕ ӕмӕ афтӕ дарддӕр", - банысан колдта агентады разамонӕг, РХИ сгуыхт журналист Харебаты Мая.

Информацион агентад ӕмӕ радио Sputnik Хуссар Ирыстоны коллегтив арфӕ кӕнынц "Рес"-ы кусджытӕн, ӕмӕ сын сӕ цӕст уарзы ног сфӕлдыстадон ӕнтыстытӕ, хорз ног хабӕрттӕ, хӕрзӕбон ӕмӕ сабырдзинад.

2