Уазæгдон Ирыстон

Баконды къæсæрыл: Цхинвал уалдзæджы райсдзæн ног уазæгдон

144
(ранӕуӕггонд 11:18 13.02.2020)
Цыппарстъалыйон уазæгдоны уыдзæн 43 номыры, ресторан, фитнес-зал, рæсугъддзинады салон, сауна, конференц-зал

ЦХИНВАЛ, 13 фев – Sputnik, Плиты Фатимæ. Хуссар Ирыстоны столицæйы апрелы райдайæны бакæндзысты ног уазæгдон "Ирыстон", фехъусын кодта Sputnik арæзтадон организаци "Интурист-Алания"-йы директор Бердиаты Алан.

Цыппарстъалыйон уазæгдоны уыдзæн 43 номыры, ресторан, фитнес-зал, рæсугъддзинады салон, сауна æмæ конференц-зал.

"Номерон фонд у цæттæ у, ныридæгæн æмбырд цæуы мебель, лыстæг куыстытæ ма кæнæм - рухсытæ, фасадон куыстытæ æмæ хæрзарæзтад. Иу мæйы æмгъуыдмæ куыстытæ хъуамæ фæуой. Официалон баконд нысан кæнæм апрелы райдайæнмæ", - загъта Бердиаты Алан.

Уый ма банысан кодта, зæгъгæ, аразджытæ куыд баныфсæвæрдтой, афтæ бахъахъхъæдтой уазæгдоны æддаг хуыз.

"Уазæгдон йæ историон хуыз бахъахъхъæдта, куыд баныфсæвæрдтам, афтæ. Йæ разы раздæрау уыдзæн скульптурон композици, цæттæ цæуы йæ уæлфыст "Ирыстон" дæр, уыдзæн авджы фæлгæты", - бафтыдта уый.

Цхинвалы центры уазæгдон "Ирыстон" арæзт æрцыд 1937 азы. Зæронд агъуыст систой 2017 кæрон, ног бæстыхайы арæзтад райдыдтой 2018 азы.

Хуссар Иры столицæйы  ныридæгæн уæвынад кæны уазæгдон "Алан", фæлæ дзы уадиссаг уавæртæ нæй, уымæ гæгæ фæстаг цалдæр азы Цхинвалы фæзынд мини-уазæгдæттæ. Гуырахстджын мадзалттæ æрфысым кæнын дæр свæййы проблемæ уазджыты æхсæвиуаты тыххæй, туризмы мæгуырау уавæры аххосæгтæй дæр иу арæх фæхонынц уазæгодоны цухдзинад.

Гостиница Ирыстон
© Sputnik / Наталья Айриян
Уазæгдон "Ирыстон"
144
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7