Арæзтад фæткхæлдтимæ

Арæзтад фæткхæлдтимæ: куыд æххæст кæнынц Цхинвалы нормæтæ

81
(ранӕуӕггонд 11:56 14.02.2020)
Столицæйы территорийыл ныридæгæн цæуы цалдæр арæзтады, уыдоны куысты хъусдараг цæрджытæ рабæрæг кодтой рæдыдтытæ – арæзтадон фæзуæттæй горæтмæ хæссын цъыф, фистæгæй цæуджытæн ахизæнтæ нал ис

ЦХИНВАЛ, 13 фев – Sputnik, Плиты Фатимæ. Хуссар Иры столицæйы, зымæгон рæстæгмæ æнæкæсгæйæ, цалдæр ран бацайдагъ сты арæзтадон куыстытæ. Уый æхсызгон хъуыддаг у, фæлæ хъусдараг цæрджытæ сæ куысты рахатынц фæткхалды цаутæ дæр.

"Тугъанты Махарбеджы уынгыл арæзт цæуы мемориалон комплекс. Арæзтадон фæзуат æхгæд дæр нæу, ноджы ма фæндаджы астæу иу стыр цатыр дæр лæууы. Мæ зæрдæ æхсайы, арæзтадон нормæтæм гæсгæ ам алцы нывыл кæй нæу", — зæгъы горæты цæрæг Александра.

Ивгъуыд азы кæрон бавнæлдтой арæзтадон куыстытæм Цхинвалы æртыккæгæм скъолайы бынаты дæр. Аразджытæ тагъд темптæй ахафтой скъолайы зæронд бæстыхай, кусынц æвзæр боныгъæды дæр, ныфс дæттынц, ацы объект афоныл кæй сцæттæ уыдзæн. Фæлæ ууыл фæуд кæнынц æвæрццаг æууæлтæ.

"Бæстонæй нæ зонын Хуссар Иры закæттæ, фæлæ дзы уæрæсейæгтимæ стыр хицæндзинад нæ уыдзæн, гæнæн ис ивары бæрц у æндæрхуызон. Иуæй аразджытæ рахызтысты сæ арæнтæй, аннæмæй дзы нæй фæдзæхсæн нысæнтæ æмæ рухсытæ. Ноджы ма уæзласæн хæдтулгæтæ сæ цæлхытыл горæтмæ хæссынц бирæ цъыф, уыимæ иумæ уыдонæн сæ сметæты, æвæццæгæн, ис æхсæнтæ. Æнæмæнгыл ма нымайын, цæмæй арæзтадон фæзуаты цурты саразой фистæгæй цæуджыты фæндаг", — загъта Виталий.

Цхинвалы цæрæг Хаситы Михаилæн дæр йæ зæрдæмæ нæ фæцыд, фистæгæй цæуджыты фæндаг кæй байстой Путины уынгыл, уый.

"Ӕртыккæгæм скъолайы территори хорз сæхгæдтой, фæлæ фистæгæй цæуджытæн ахизæн нал ис. Хъайтарты уынгыл базарадон центры арæзтады фарсмæ сæвæрдтой сæрмагонд хизæн, фæлæ уый дæр ныцъцъæлтæ ис мæ йæм хъусдард нæй", — загъта уый.

Строительство школы №3.
© Sputnik / Наталья Айриян
Арæзтад фæткхæлдтимæ

Хуссар Иры архайы республикæйæн йæхи закæттæ, бынæттон закон цы фадыджы цух кæны, уым бындуриуæг кæнынц Уæрæсейæ æрбайсгæтыл, фæлæ хатгай афтæ рауайы æмæ адæм дыууæты сæрты дæр ахизынц æмæ фæархайынц сæхи хъуыдымæ гæсгæ.

81
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7