Хуссарирыстойнаг вокалисткæ азардзæн æхсæнадæмон конкурс "FaSiLa"-йы

© Sputnik / Наталья АйриянАнна-Мария
Анна-Мария - Sputnik Хуссар Ирыстон
Рафыссын
Уæлахиздзаутæн фадат уыдзæн хайад райсын гала-концерты, кæцы цæудзæн Мæскуыйы 31 марты киноконцертон зал Vegas City Hall-ы.

ЦХИНВАЛ, 14 фев - Sputnik, Плиты Фатимæ. Ӕлборты Феликсы номыл Хуссар Ирыстоны музыкалон ахуыргæнæндоны студенткæ, æппæтуæрæсейон конкурсты лауреат Пæррæстаты Анна-Мария хайад райсдзæн æхсæнадæмон конкурс "FaSiLa"-йы Степанакерты, хъусын кæны РХИ культурæйы министрады пресс-службæ.

Мадзал цæудзæн 15 -17 февралы Арцахы (Хæххон Карабах). Ӕхсæнадæмон конкурс "FaSiLa" (сабитæ хæсты ныхмæ) арæзт цæуы Мæскуыйаг æхсæнадæмон музыкалон фестиваль "Мы за мир!"-ы фæлгæтты æмæ нывонд у Стыр Уæлахизы 75-азæн.

Джиоты Люба ахызт вокалон конкурс АЗАР МА-йы финалмӕ - Sputnik Хуссар Ирыстон
Джиоты Люба ахызт вокалон конкурс "АЗАР МА"-йы финалмӕ

"Хуссар Ирæй конкурсы архайæг уыдзæн Ӕлборты Феликсы номыл музыкалон ахуыргæнæндоны дыккæгæм курсы студенткæ, æппæтуæрæсейон конкурсты лауреат Пæррæстаты Анна-Мария йæ ахуыргæнæг - Хуссар Иры сгуыхт артисткæ Гатыгкоты Нинаимæ", - загътой уагдоны.

Уым ма банысан кодтой, уæлахиздзаутæн фадат кæй уыдзæн хайад райсын гала-концерты, кæцы цæудзæн Мæскуыйы 31 марты киноконцертон зал Vegas City Hall-ы.

Пæррæстаты Анна-Марияйы конкурсмæ æрвиты Культурæйы министрад ФХМ æмархайдæй.

Ног хабӕртты лентӕ
0