МСНКйыл - 28 азы

Майдантæ, арфæтæ æмæ æмдзæвгæтæ: МСНКйыл - 28 азы

89
(ранӕуӕггонд 17:01 14.02.2020)
Бæрæгбоны цытæн къордмæ хорзæхтæ æмæ лæвæрттимæ фæуазæг сты республикӕйы тыхон структурæты хистæртæ, МСНК ветерантæ æмæ дзæнӕттаг кусджыты бинонтæ

ЦХИНВАЛ, 14 фев – Sputnik, Плиты Фатимæ. Хуссар Иры столицæйы майрæмбоны нысан кæнынц Мидхъуыддӕгты министрады сӕрмагонд нысаниуӕджы къорды сæвзæрды бон. Къорды хæстонтæ райстой паддзахадон æмæ уагдонон хорзæхтæ, раарфæ сын кодтой республикæ æмæ барадхъахъхъæнæг органты разамонджытæ, нывонд сын кодтой æмдзæвгæтæ, дзырдтой æдасдзинад бахъахъхъæныны сæ хайбавæрдыл Цънелисы кризисы рæстæджы.

День образования ОМОН Южной Осетии
© Sputnik / Наталья Айриян
МСНКйыл - 28 азы

Республикæйы фæтк æмæ æдасдзинады хъахъхъæнынады иууыл куыстхъомдæр æмæ раззагондæр къордыл 28 азы сæххæстæн нывонд цытджын церемони райдыдта арфæтæй. Президент Бибылты Анатолий æмæ йæхи номæй МСНК-æн раарфæ кодта хицауады сæрдар Пухаты Эрик.

"Ацы къорд 1992 азæй фæстæмæ йæ хæстæ æххæст кæны тагъд æмæ нывыл. Бузныг уын уæ куысты тыххæй, кæй хъахъхъæнут куыд æхсæнадон фæтк республикæйы, афтæ бæстæйы æддагон тасæй дæр", - загъта премьер.

Мидхъуыддӕгты министрады сӕрмагонд нысаниуӕджы къорды (МСНК) кусджыты иу къорд райстой паддзахадон майдантæ – "За службу на страже мира" æмæ "Защитнику Отечества" хицауады сæрдары къухæй. Лæвæрттæ æмæ майдантимæ фæуазæг сты Паддзахадон æдасдзинады комитет æмæ Паддзахадон хъахъхъæнынады службæйы хистæртæ дæр.

День образования ОМОН Южной Осетии
© Sputnik / Наталья Айриян
МСНКйыл - 28 азы

Фыццаг рахицæн кодта къорд кусæджы майдантæ "За заслуги в обеспечении безопасности"-йæ, дыккаг та майдантæ "За боевое содружество"-йæ.

"МСНК у иууыл куыстхъомдæр къордтæй иу, уымæн мах æвдисæн уыдыстæм арæнтæ хъахъхъæныны рæстæджы. Разæй нырма ис бирæ аразинæгтæ, ут фидар æмæ куыстхъом, цæмæй уыл нæ ныфс дарæм, нæхи тыхтæ нын куыннæ фаг кæна, уæд ", - загъта ПӔК хистæр Олег Ширан.

День образования ОМОН Южной Осетии
© Sputnik / Наталья Айриян
МСНКйыл - 28 азы

Хуссар Иры Мидхъуыдддæгты министр Наниты Игорь арфæтæй дарддæр радзырдта йæхи сæрмагонд архайды тыххæй дæр уагдоны сконды. Уый МСНК рæнхъытæм бацыд ивгъуыд æнусы 90-æм æзты.

"МСНК сæвзæрд 1991 азы, иу афæдзы фæстæ официалон æгъдауæй фидар æрцыд. Уый уыд иунæг структурæ, кæцы Дагомысы бадзырдты агъоммæ хъахъхъæдта сабырад республикæйы. 1991 азæй 2011 азы онг уыдæн къорды сконды", - загъта МХМ министр.

Уый ма банысан кодта, сæрыстыр кæй у, МСНК кæй службæ кодта, уымæй.

"МСНК фæсивæд исынц æфсæддон цæттæдзинад. Ирон лæг æмæ æфсæддон адæймаг æххæст цы æвæрццаг миниуджытæй у, уыдон иууылдæр сты МСНК-ы кусджыты. Мах иууылдæр – архайгæ кусджытæ æмæ ветерантæ сæрыстыр стæм, кæй службæ кодтам МСНК-ы", - бафтыдта Наниты Игорь.

День образования ОМОН Южной Осетии
© Sputnik / Наталья Айриян
МСНКйыл - 28 азы

Милицийы сӕрмагонд нысаниуӕджы къордӕн бындур æвæрд æрцыд 28 азы размæ, Гуырдзыстоны радон агрессийы тæмæны. Йе сконды уыдысты цалдӕр ӕвзонг лӕппуйы. Уыдон мидӕггагон сабырдзинад хъахъхъӕнынӕй дарддӕр стыр хъӕбатырдзинад равдыстой ӕддагон знаджы ныхмӕ тохы дӕр.

Къорд цадӕггай йӕ рӕнхъытӕ ‘ххӕст кодта ӕмӕ абон у республикӕйы иууыл куыстхъомдæр структурæтӕй иу. Ныртӕккӕ ОМОН-ы скоды ис 300-йӕ фылдæр ӕфсӕддоны.

  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
  • МСНКйыл - 28 азы
    МСНКйыл - 28 азы
    © Sputnik / Наталья Айриян
1 / 7
© Sputnik / Наталья Айриян
МСНКйыл - 28 азы
89
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

16
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау