Цхинвалы схорзæхджын кодтой ветеранты

Фæсчъылдымы хъайтартæ: Цхинвалы схорзæхджын кодтой ветеранты

113
(ранӕуӕггонд 17:01 26.02.2020)
Уæрæсейы æххæстбарджын минæвар Марат Кулахметов схорзæхджын кодта 1941-1945 хæстон æзты чи фæллой кодта, уыдоны иу къорд

ЦХИНВАЛ, 26 фев — Sputnik, Плиты Фатимӕ. Стыр Фыдыбæстæйон хæсты фæсчъылдымы кусджыты иу къорд Цхинвалы схорзæхджын кодта Уæрæсейы æххæстбарджын минæвар Марат Кулахметов юбилейон майдантæ "75 лет Победы в Великой Отечественной войне 1941-1945 годов"-йæ.

Юбилейон хорзæхтæ райстой 1941-1945 хæстон æзты чи фæллой кодта, уыдоны иу къорд.

Награждение ветеранов Великой Отечественной войны в посольстве РФ в Цхинвале
© Sputnik / Наталья Айриян
Цхинвалы схорзæхджын кодтой ветеранты

"Раст дыууæ мæйы фæстæ нысан кæндзыстæм Стыр Фыдыбæстæйон хæсты советон адæмы уæлахизы 75 азы юбилей. Сымах стут йæ архайджытæ, уæ фæрцы Советон цæдис фæуæлахиз знагыл. Мах уын бузныг стæм æмæ йæ æмбарæм, уæ фæрцы абон кæй цæрæм", - загъта йæ арфæйы раныхасы УФ минæвар Хуссар Иры Марат Кулахметов.

Юбилейон майдантæ "75 лет Победы в Великой Отечественной войне" райстой: Дзабиты Василий, Хъуылымбегты Герсан, Харебаты Варя, Бестауты Илья, Хаситы Владимир, Хуыгаты Илья, Уалыты Федор æмæ Тыджыты Сергей.

Дзабиты Василийыл хæсты рæстæджы цыд æрмæстдæр 14 азы, фæлæ хистæрты æмрæнхъ фыдæбон кодта, ай у йæ дыккаг майдан лæгæн.

"Бузныг кæй нын саргъ кодтат нæ фыдæбонæн. Скъолайы кары махæй саразтой ахуырдзауты бригадæтæ Рустауы хъæуы, уый уыд нæ фæллойы тохы быдыр. Бæгъæввадæй, дарæсы бæсты иу сбастам хæцъилы гæппæлтæ æмæ афтæмæй куыстам быдырты, хосгæрдæнты. Æфсирæй-иу цы ркалд, уый дæр уыгътам", - загъта Дзабиты Василий.

УФ-йы минæвæрады цыт кæныны церемонийы архайджытæ ссисты 1941-1945 æзты фæсчъылдымы чи фæллой кодта, уыдон.

  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Харебаты Валентина
    Харебаты Валентина
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
  • Цхинвалы схорзæхджын кодтой ветеранты
    Цхинвалы схорзæхджын кодтой ветеранты
    © Sputnik / Наталья Айриян
1 / 10
© Sputnik / Наталья Айриян
Цхинвалы схорзæхджын кодтой ветеранты
113
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

2
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

2
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3