Коронавирусы фӕстиуӕг: Цхинвалы афтекты нæй медицинон маскӕтæ ссарæн

© Sputnik / Александр Кряжев /  Ахизын медиабанкмæМедицинон маскӕтӕ
Медицинон маскӕтӕ - Sputnik Хуссар Ирыстон
Рафыссын
Хуссар Ирыстоны цӕрджытӕ хъаст кӕнынц медицинон маскӕты цухдзинадæй ӕмӕ сӕ ӕргъты фӕфылдӕрæй столицӕйы афтекты

ЦХИНВАЛ, 3 мар – Sputnik, Годжысаты Анна. Хуссар Ирыстоны столицӕйы афтекты фӕзынд медицинон маскӕты цухдзинад, афтӕ ма фӕфылдӕр сӕ аргъ дӕр. Фӕстаг мӕйты иу маскӕйы аргъ фӕфылдӕр 20 хатты.

Транскам - Sputnik Хуссар Ирыстон
Хуссар Ир сæхгæдта йæ арæн 60-йæ фылдæр бæстæты æмбæстæгтæн

Маскӕты цухдзинад бӕттынц дунейы коронавирусы апарахатимӕ – абоны бон COVID-19-ӕй рынчынты сбӕрӕг кодтой 60 бӕстӕйӕ фылдӕры, сӕ нымӕц ахызт 90 мин адӕймагӕй.

"Ӕндӕрӕбон мах бирӕ фӕагуырдтам медицинон маскӕтӕ ӕмӕ сӕ стӕй ссардтам горӕты афтектӕй иуы, фӕлӕ сӕ аргъ уыд 80 сомы, раздӕр та сӕ ӕлхӕдтон цыппар сомӕй", - загъта горӕты цӕрӕг Зӕринӕ.

Sputnik бабӕрӕг кодта столицӕйы кӕцыдӕр централон афтектӕ Джиоты Аланы проспектыл, Сталины, Дзауы ӕмӕ Харебаты Исахъхъы уынгтыл. Уыдонӕй никӕцыйы разынд медицинон маскӕтӕ. Афтектӕй иуы ӕввонггӕнӕджы ныхӕстӕм гӕсгӕ, маскӕтӕ нӕй РЦИ-Аланийы дӕр.

"Ӕз ӕлхӕнын медикаменттӕ мӕ афтекӕн Цӕгат Ирыстоны, фӕлӕ дзы уым дӕр нӕй, ӕмӕ бӕрӕг нӕу кӕд фӕзындзысты", - загъта уый.

Коронавирусӕй рынчынты ныридӕгӕн сбӕрӕг кодтой Гуырдзыстон ӕмӕ Уӕрӕсейы. Уый фӕдыл сӕхгӕдтой паддзахадон арӕн Гуырдзыстонимӕ, афтӕ ма тобæ сæвæрдтой 60-йæ фылдæр бæстæйы æмбæстæгтæн республикæйы территоримæ æрбахизыныл.

Афтӕ ма дыццӕджы Ӕнӕниздзинад хъахъхъӕнынады министрад ӕрсидт сӕрмагонд афтекты хицӕуттӕм, цӕмӕй ӕгӕр ма фылдӕр кӕной медицинон препаратты ӕргътӕ.

Ног хабӕртты лентӕ
0