ЦХИНВАЛ, 5 мар - Sputnik. Гуырдзыстоны расидгæ Хуссар Ирыстоны адæмы геноциды амæттæгты Мысæн бон нысан цæудзæн 20 июны, æмбæлон барамынд бафыста абон президент Бибылты Анатолий. Датæ хаст æрцæудзæн республикæйы бæрæгбонтæ æмæ мысæн датæты къæлиндармæ.
1920 азы 20 июны гуырдзиаг меньшевиктæ фыдмард акодтой 13 коммунары Хуссар Иры, ныхмæлæуды сабыр хайадисджыты. Ӕрæджы ацы цауы мемориализацийы фæдыл къамисы уæнгтæ банхъардтой равзарын ацы датæ Ирæтты геноциды амæттæгты мысæн бонæй.
Ацы аз æххæст кæны 100 азы ирон адæмы историйы иууыл тугамæхстдæр фарсытæй иуыл - 1920 азы Гуырдзыстоны расидгæ Хуссар Ирыстоны адæмы геноцидыл. Республикæйы ауадздзысты трагикон цауты æнусæн нывонд мысæн мадзæлттæ.
Уымæй дарддæр ма къамис расидт сфæлдыстадон конкурс дæр геноциды хуыздæр эмблемæ саразыны фæдыл.
