Хаситы Вильгельм нысан кæны йæ юбилей

Репетици æмæ æртæ уæлибыхы: куыд æмбæлы Хаситы Вильгельм йæ юбилейыл

98
(ранӕуӕггонд 15:53 05.03.2020)
Актер йе сфæлдыстадон фæндаг райдыдта æрдæг æнусы размæ, уæдæй нырмæ йын Цæгат æмæ Хуссар Ирыстоны театрты сценæтыл бантыст сæххæст кæнын 50 ирд фæлгонцы

ЦХИНВАЛ, 5 мар — Sputnik, Плиты Фатимæ. Хуссар Ирыстоны æмæ Цæгат Ирыстоны адæмон артист, Хъæрæсе-Черкесы сгуыхт артист Хаситы Вильгельм цыппæрæмы нысан кæны йæ 70-азон юбилей. 

Адæмы уарзон артист йæ райгуырæн боныл æмбæлы йæ куысты уæлхъус.

"Мæ юбилейыл æмбæлын репетициты. Фæлæ канд куыстæй дзаг нæу ацы бон, исын ма арфæтæ театры разамынад æмæ коллегæтæй дæр. Акуывтам æртæ уæлибыхæй", - загъта Sputnik юбиляр.

Артистæн йæ юбилеймæ театр дæр бацæттæ кодта лæвар - ратдзæн ног цард зæронд комедитæй иуæн, цы ран Хаситы Вильгельм сæххæст кæндзæн сæйраг рольтæй иу.

"Сфæлдыстадон къорд фæуд кæны куыст зындгонд комеди "Сæтти æмæ Бæтти"-йыл. Спектакль æрæмных кодтам Вильгельмы юбилеймæ, æввахс бонты уыдзæн йæ премьерæ. Адæмон артист æрлæудзæн Бæттийы фæлгонцы", - загътой пресс-службæйы.

Адæмон артист Хаситы Вильгельм йе 'сфæлдыстадон фæндаг сценæйыл райдыдта æрдæг æнусы размæ, уæдæй нырмæ йын Цæгат æмæ Хуссар Ирыстоны театрты сценæтыл бантыст сæххæст кæнын 50 ирд фæлгонцы, фылдæр бæрцæй комедионтæ.

Артисты номимӕ ӕнгом баст сты сценӕмӕкӕсджыты уарзондӕр спектакльтӕ — "Расыггӕнджытӕ", "Робинзонтӕ", "Шахматтӕ", "Дыууӕ усгуры", "Дӕ мады лымӕн" ӕмӕ афтӕ дарддӕр.

Вильгельмæн йæ ном Ирыстоны айхъуыст куыд ӕрмӕст курдиатджын актер нæ, фæлæ ма поэтикон уацмысты автор дӕр. Йе 'мдзæвгæтæй йын скодтой зарджытæ — "Хъæды сыфтæр", "Ирæттæ", театры сценæйыл сæвæрдтой йæ дыууæ пьесæ "Расыггæнджытæ" ӕмӕ "Дæ мады лымæн". Фæлвæрдта йæхи киноактерæй дæр.

Сӕ фыды сфæлдыстадон фæндагыл ныллӕууыдысты Вильгельмӕн йæ цот дæр. Театралон традицитӕ бинонты хсӕн дарддӕр кӕнынц йæ фырт Сослан æмæ чызг Эмма. Дыууæ дæр архайынц РХИ Паддзахадон театры ценæйыл.

98
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4