Хъахъхъӕнынады министр: нæ курсанттӕ сӕрыстырӕй хъахъхъӕнынц Хуссар Иры кад

© Пресс-служба МО РЮОГасситы Ибрагим фембӕлд уӕрӕсейаг ӕфсӕддон ахуырадон уагдӕтты курсантты ныййарджытимӕ
Гасситы Ибрагим фембӕлд уӕрӕсейаг ӕфсӕддон ахуырадон уагдӕтты курсантты ныййарджытимӕ - Sputnik Хуссар Ирыстон
Рафыссын
Ныййарджытӕ ӕмӕ Хъахъххъӕнынады министрады къухдариуӕгад ӕрдзырдтой курсантты ахуыр ӕмӕ сӕ цӕрыны уавӕртыл Уӕрӕсейы ахуырадон уагдӕтты

ЦХИНВАЛ, 6 мар — Sputnik. Хуссар Ирыстоны курсанттӕн, кӕцытӕ ахуыр кӕнынц Уӕрӕсейы ахуырадон уагдӕтты, сарӕзтой иттӕгхорз уавӕртӕ, фехъусын кодта республикӕйы хъахъхъӕнынадон уагдоны сӕргълӕууӕг Гассеты Ибрагим курсантты ныййарджытимӕ фембӕлдыл.

Курсанттӕ Хуссар Ирӕй акафыдысты хонгӕ ӕхсӕнадӕмон фестивалы - Sputnik Хуссар Ирыстон
Курсанттӕ Хуссар Ирӕй акафыдысты хонгӕ ӕхсӕнадӕмон фестивалы

Уагдоны пресс-службӕйы хистӕр Чехойты Инга куыд хъусын кӕны, афтӕмӕй министр ӕрӕмбырд кодта Уӕрӕсейы ӕфсӕддон ахуырадон уагдӕтты курсантты ныййарджыты.

Фембӕлды рӕстӕджы ӕрныхас кодтой курсантты ахуыр ӕмӕ цӕрыны уавӕртыл.

Министр загъта иууыл хуыздӕр курсантты ӕмӕ банысан кодта, республикӕ сӕ сӕрыстыр кӕй у.

"Стыр бузныг уын, ахӕм сывӕллӕтты кӕй схъомыл кодтат. Уыдон сӕрыстырӕй хъахъхъӕнынц Хуссар Ирыстоны кад", - бафтыдта Гассеты Ибрагим.

Хъахъхъӕнынады министр бахахх кодта, курсанттӕ хъуамӕ ӕмбарой, кӕй ахуыр кӕнынц Уӕрӕсейы иууыл хуыздӕр ахуырадон уагдӕтты.

Министр бафтыдта, зӕгъгӕ, ӕвзӕр ӕнтыстимӕ курсанттӕм сӕ цӕст хъуамӕ дарой ныййарджытӕ.

© Пресс-служба МО РЮОГасситы Ибрагим фембӕлд уӕрӕсейаг ӕфсӕддон ахуырадон уагдӕтты курсантты ныййарджытимӕ
Хъахъхъӕнынады министр: нæ курсанттӕ сӕрыстырӕй хъахъхъӕнынц Хуссар Иры кад - Sputnik Хуссар Ирыстон
Гасситы Ибрагим фембӕлд уӕрӕсейаг ӕфсӕддон ахуырадон уагдӕтты курсантты ныййарджытимӕ

Абитуриентттӕн Хуссар Ирыстонӕй ис фадат ахуыр кӕнын уӕрӕсейаг ӕфсӕддон ахуырадон уагдӕтты Хуссар Ирыстон ӕмӕ Уӕрӕсейы хъахъхъӕнынады министрӕдты хсӕн ӕхсӕнуагдонон бадзырдты руаджы.

2010 азы Уӕрӕсе ӕмӕ Хуссар Ирыстоны хъахъхъӕнынады министрӕдты хсӕн бафыстой контракт, кӕцымӕ гӕсгӕ республикӕйы ӕмбӕстӕгтӕ ахуыр кӕнынц Уӕрӕсейы ӕфсӕддон ахуырадон уагдӕтты. 2019 азы Хъахъхъӕнынады министрады хаххыл Хуссар Ирыстон райста 90 бынаты УФ ӕфсӕддон ахуырадон уагдӕтты.

Ног хабӕртты лентӕ
0