Хуссар Ирыстоны Паддзахадон автоинспекцийы инспектортӕ ӕмӕ милицийы фадыгон кусджытӕ тох кӕнынц республикӕйы столицӕйы парковкӕйы фӕткхалджытимӕ

Хӕдтулгӕ тротуарыл уромын нӕй гӕнӕн: фӕткхалджытӕм ӕнхъӕлмӕ кӕсынц ивартӕ

13
(ранӕуӕггонд 10:35 11.03.2020)
Милицийы кусджытӕ банысан кодтой, хӕлд хӕдтулгӕтӕ кӕй хъыгдарынц фистӕг бӕлццонты ӕмӕ ӕвзӕр ӕндавынц столицӕйы хӕрзарӕзтадыл

ЦХИНВАЛ, 11 мар - Sputnik. Хуссар Ирыстоны Паддзахадон автоинспекцийы инспектортӕ ӕмӕ милицийы фадыгон кусджытӕ тох кӕнынц республикӕйы столицӕйы парковкӕйы фӕткхалджытимӕ. Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Цхинвалы уагъд цӕуынц рейдтӕ тротуартыл хӕдтулгӕтӕ уромыны ныхмӕ.

Инспекторы УГИБДД и участковые уполномоченные милиции борются с нарушителями правил парковки
© Photo : Пресс-служба МВД РЮО
Хуссар Ирыстоны Паддзахадон автоинспекцийы инспектортӕ ӕмӕ милицийы фадыгон кусджытӕ тох кӕнынц республикӕйы столицӕйы парковкӕйы фӕткхалджытимӕ

"Мах нырма фӕдзӕхсӕм автотранспорты хицӕутты, хӕдтулгӕтӕ тротуартыл уромын кӕй нӕй гӕнӕн, фӕлӕ райсомӕй фӕстӕмӕ фӕткхалджыты фӕдыл арӕзт цӕудзысты административон протоколтӕ. Фӕткхалджытӕ бафиддзысты ивар 150 сомы", - банысан кодта Паддзахадон автоинспекцийы къорды командӕгӕнӕг Тедеты Филипп.

Милицийы кусджытӕ бахахх кодтой, хӕлд автотранспорт кӕй хъыгдары фистӕг бӕлццонты ӕмӕ ӕвзӕр ӕндавы столицӕйы хӕрзарӕзтадыл.

Инспекторы УГИБДД и участковые уполномоченные милиции борются с нарушителями правил парковки
© Photo : Пресс-служба МВД РЮО
Хуссар Ирыстоны Паддзахадон автоинспекцийы инспектортӕ ӕмӕ милицийы фадыгон кусджытӕ тох кӕнынц республикӕйы столицӕйы парковкӕйы фӕткхалджытимӕ
"Хуссар Ирыстоны законмӕ гӕсгӕ нӕй гӕнӕн уромын хӕлд автотранспортон фӕрӕзтӕ тротуартыл. Законмӕ гӕсгӕ, фӕткхалӕг бафиддзӕн ивар 400-800 сомы", - загъта Цхинвалы мидхъуыддӕгты хайады фадыгон Остъаты Олег.

Рейдон мадзӕлтты рӕстӕджы милицийы фадыгон кусджытӕ сарӕзтой дыууӕ административон протоколы хӕдтулгӕ тротуарыл бауромыны тыххӕй.

13
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

4
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

4