Пожар на мусорном полигоне близ Цхинвала

Цхинвал фæздæджы: столицæмæ хæстæг бырондон хуыссын кæнынц баиугонд тыхтæ

80
(ранӕуӕггонд 11:58 11.03.2020)
Дыккаг бон Хуссар Ирыстоны столицæйы цур пиллон калы бырондон, æгас горæты ис фæздæджы тæф, уæлдай тыхсынц Цхинвалы цæгаттаг хайы цæрджытæ

ЦХИНВАЛ, 11 мар – Sputnik, Плиты Фатимæ. Хуссар Ирыстоны столицæмæ хæстæг хъӕбӕр ӕвзарӕнты бырондоны аххуысын кæнынмæ Уæлвæткон уагдонмæ бамбал сты æндæр структурæтæ. Арт ахуыссын кæныныл архайынц республикæйы уæвæг æппæт техникæ, фехъусын кодтой Sputnik горæты администраций пресс-службӕйы.

Быроны полигон ис Цхинвалӕй цалдæр километры фалдӕр, зынгсирвӕзт ӕрцыд дыццӕджы райсом.

Пожар на мусорном полигоне близ Цхинвала
Фото очевидца
Цхинвал фæздæджы: столицæмæ хæстæг бырондон хуыссын кæнынц баиугонд тыхтæ

"Уæлвæткон уагдонмæ æххуысмæ ацыдысты горæты администрацийы бындурыл уæвæг техникæ, æппæт тыхтæ дæр радтой зынгирвæзт ахуыссын кæнынмæ. Артыл калынц сыджыт, цæмæй ма цæуа дарддæр æмæ ахуыссой зынгирвæзты гуырæнтæ", - загътой пресс-службæйы.

Дыккаг бон Хуссар Ирыстоны столицæйы цур пиллон калы бырондон, æгас горæты ис фæздæджы тæф, уæлдай тыхсынц Цхинвалы цæгаттаг хайы цæрджытæ.

"Мæскуыйаг микрорайоны цæрын, знон ма бонæй куыддæрты фæрæзтам, фæлæ изæрæй уынгты сулæфæн нæй. Рудзгуытæ ничиуал кæны, фæлæ уæддæр хæдзæртты дæр рахатæн ис тæф", - загъта Артур.

Фæстаг рæстæджы Хуссар Ирыстоны сарæх сты зынгирвæзтытæ, судзынц хъæдтæ æмæ быдыртæ. Уæлвæткон уавæрты министрад кусы æхсæвæй-бонæй.

Пожар на мусорном полигоне близ Цхинвала
Фото очевидца
Цхинвал фæздæджы: столицæмæ хæстæг бырондон хуыссын кæнынц баиугонд тыхтæ
80
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8