Оперативон штаб фехъусын кодта Цхинвалы цур бырондоны зынгсирвӕзты аххосаг

Оперативон штаб фехъусын кодта Цхинвалы цур бырондоны зынгсирвӕзты аххосаг

17
(ранӕуӕггонд 14:37 11.03.2020)
Зынгсирвӕзт, кӕцы райдыдта Хуссар Ирыстоны столицӕйы цӕгаттаг хайы дыццӕджы бонӕй, нырма дӕр нӕ бантыст аиуварс кӕнын

ЦХИНВАЛ, 11 мар - Sputnik. Цхинвалы цур бырондоны зынгсирвӕзты аххосаг уыд йӕ фарсмӕ быдыры хус кӕрдӕг кӕй басыгътой, уый – дымгӕ рахаста арт бырондонмӕ. Уый тыххӕй фехъусын кодтой зынгсирвӕзт ахуыссын кӕныны фӕдыл Хуссар Ирыстоны хицауады оперативон штабы рацӕугӕ рабадтыл.

Штабы уӕнгтӕ – хицауады сӕрдар Пухаты Эрик, столицӕйы мэр Коцты Алан, УУМ сӕргълӕууӕджы фыццаг хӕдивӕг Бестауты Ацӕмӕз, Цхинвалы хӕрзарӕзтады хайады директор Габуты Инал – бабӕрӕг кодтой бырондоны территори ӕмӕ ӕрдзырдтой арт аиуварс кӕныны фӕдыл мадзӕлттыл.

"Бырондон, кӕцы ис горӕтӕй цыппар километры фалдӕр, райдыдта судзын знон бонӕй ӕртӕ сахатыл. Арт ахуыссын кӕныныл архайынц ӕрмӕст УУМ хӕдтулгӕтӕ нӕ, фӕлӕ ма фӕндагон службӕтӕ, "Водоканал" ӕмӕ ӕндӕр организациты автотехникӕ. Зынгсирвӕзты дырыс фӕзуат сбӕрӕг кӕнын нырма нӕй гӕнӕн тыхджын фӕздӕджы тыххӕй", - дзырдӕуы хицауады пресс-службӕйы хъусинаджы.

Полигоныл кусынц техникӕйы дӕс иуӕджы, зынгфӕдисон хӕдтулгӕтӕ, уӕзласӕн хӕдтулгӕтӕ ӕмӕ бульдозертӕ. Пухаты Эрик бахӕс кодта ӕрбаздахын техникӕ иууылдӕр арты гуырӕнтӕ хуыссын кӕнынмӕ.

Уавӕрмӕ иудадзыг йӕ цӕст дары хицауады сӕрдар. Зынгсирвӕзт аиуварс кӕныны фӕдыл оперативон штабы иннӕ рабадт ацӕудзӕн абон фӕстӕдӕр.

Хуссар Ирыстоны зынгфӕдисонтӕ къуырийӕ фылдӕр хуыссын кӕнынц зынгсирвӕзттӕ республикӕйы алы районы дӕр. Зынгсирвӕзтты аххосаг фылдӕр хатт вӕййы адæмы уæлæнгай ахаст. Чысыл арты зынг апарахат вæййы стыр тыгъдадтыл.

17
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

16
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау