Уӕрӕсейы президент Владимир Путин ӕмӕ Хуссар Ирыстоны президент Бибылты Анатолийы фембӕлд

Райтынг сты: Владимир Путин Уӕрӕсе ӕмӕ Хуссар Иры ахастыты тыххӕй

24
(ранӕуӕггонд 16:12 13.03.2020)
Паддзахӕдты сӕргълӕуджыты радон фембӕлд нывонд у дыууӕ бӕстӕйы ӕмгуыстад ӕмӕ интеграцийы фарстытӕн, афтӕ ма Хуссар Ирыстоны социалон-экономикон райрӕзтӕн

ЦХИНВАЛ, 13 мар - Sputnik. Уӕрӕсейы президент Владимир Путин банысан кодта уӕрӕсейаг-хуссарирыстойнаг ахастыты райрӕзты позитивон динамикӕ ӕмӕ базайрӕгты ӕрзылды фӕфылдӕр ивгъуыд азы хатдзӕгтӕм гӕсгӕ, хъусын кӕны РИА Новости.

"Иумӕйагӕй дыууӕ бӕстӕйы хсӕн ахастытӕ ноджы райтынг сты. Фарон аз фӕфылдӕр базайрӕгты ӕрзылд", - загъта Путин майрӕмбоны Кремлы Хуссар Ирыстоны президент Бибылты Анатолиимӕ фембӕлды рӕстӕджы.

Встреча президента Рф Владимира Путина и президента Южной Осетии Анатолия Бибилова
© Пресс-служба президента РЮО
Уӕрӕсейы президент Владимир Путин ӕмӕ Хуссар Ирыстоны президент Бибылты Анатолийы фембӕлд

"Инвистицион программӕ, кӕцыйы бӕрцуат уыд 4,27 миллиард сомы, сӕххӕст кодтой. Зонын ӕй, дӕумӕ хъуыдытӕ кӕй ис республикӕ дарддӕр размӕ кӕныны фӕдыл", - бафтыдта Уӕрӕсейы президент.

Бибылты Анатолий загъта бузныг Владимир Путинӕн фембӕлд ауадзыны тыххӕй. Уый банысан кодта, фӕстаг дыууӕ азы инвестпрограммӕ ӕнӕхъӕнӕй кӕй сӕххӕст кодтой: 2019 азы – 97%, 2018 азы – 100%. Йӕ ныхӕстӕм гӕсгӕ уый у УФ Цӕгат Кавказы хъуыддӕгты фӕдыл министрад ӕмӕ президенты администрацийы ӕмархайды фӕстиуӕг.

"Мӕ хъуыдымӕ гӕсгӕ нӕ ӕмархайды руаджы мах срӕвдз кодтам ацы куыст, сӕйраджыдӕр, ауагътам ахсджиаг куыст бюджет саразыны хъуыддаджы. Цы хӕслӕвӕрдтӕ нын уыд, уыдон иууылдӕр сӕххӕст кодтам", - банысан кодта Хуссар Ирыстоны президент.
Встреча президента Рф Владимира Путина и президента Южной Осетии Анатолия Бибилова
© Пресс-служба президента РЮО
Уӕрӕсейы президент Владимир Путин ӕмӕ Хуссар Ирыстоны президент Бибылты Анатолийы фембӕлд

Афтӕ ма Бибылты Анатолий раарфӕ кодта йӕ уӕрӕсейаг коллегӕйӕн ПӔК сӕвзӕрды афӕдзы боны цытӕн.

Ацы фембылд Хуссар Ирыстон ӕмӕ Уӕрӕсейы лидертӕн уыд фӕндзӕм. Фыццаг хатт Бибылты Анатолий ӕрдзырдта Владимир Путинимӕ дыууӕ бӕстӕйы ӕмгуыстадыл 2017 аз 2 майы Сочийы. Уыцы аз ноябры Хуссар Ирыстоны президент ацыд Мӕскуымӕ официалон балцы, кӕцыйы фӕлгӕтты ауагъта баныхас йӕ уӕрӕсейаг коллегӕимӕ.

Ӕртыккаг фембӕлд ацыд 2018 азы 24 августы, кӕцы уыд нывонд Хуссар Ирыстоны хӕдбардзинад Уӕрӕсейы рдыгӕй банымайыныл 10 азы сӕххӕсты цытӕн. Цыппӕрӕм хатт президенттӕ фембӕлдысты 5 марты 2019 азы.

Встреча президента Рф Владимира Путина и президента Южной Осетии Анатолия Бибилова
© Пресс-служба президента РЮО
Уӕрӕсейы президент Владимир Путин ӕмӕ Хуссар Ирыстоны президент Бибылты Анатолийы фембӕлд
24
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1
Пресс-конференци

Ныссастам стереотиптæ: Хуссар Иры театры директор Мæскуыйы фыццаг гастрольты тыххæй

2
(ранӕуӕггонд 15:17 14.04.2021)
Хетæгкаты Къостайы номыл паддзахадон театры актертæ æмæ директор радзырдтой, куыд сæмбæлдысты хуссарирыстойнаг труппæйыл Мæскуыйы æмæ сæ дарддæры нывæзты тыххæй

ЦХИНВАЛ, 14 апр – Sputnik, Козаты Диана. Хуссарирыстойнаг театры труппæйы гастрольтæ Мæскуыйы ныссастой стереотиптæ æмæ "атыдтой культурон информацион блокадæ", загъта пресс-конференцийы Sputnik уагдоны директор Уалыты Мæдинæ.

Пресс-конференци нывонд уыд Хетæгкаты Къостайы номыл Хуссар Ирыстоны паддзахадон драмон театры труппæйы фыццаг гастрольтæн Мæскуыйы. Уæрæсейаг столицæйы театралты размæ рахастæуыд спектакльтæ "Антигона", "Фандо æмæ Лис" æмæ "Юлий Цезарь". Гастрольтæ ацыдысты "Арбаты ирон культурæйы бонты" фæлгæтты.

Мадина Валиева
© Sputnik / Natalia Airiyan
Уалыты Мæдинæ

Уалыты Мæдинæйы ныхæстæм гæсгæ, сæйраг мадзæлттæ ацыдысты Актеры централон хæдзары, кæсджытæ фылдæр бæрцæй уыдысты ирон æмбæстæгтæ.

"Уыдонæн тынг æхсызгон уыд ирон ныхас фехъусын, нæ спектакльтæ фенын. Кæй зæгъын æй хъæуы, уыдис дзы Мæскуыйы цæрджытæ дæр, уыдонæн та мах аластам сæрмагонд аппаратурæ, цæмæй спектакльтæ фехъуыстаиккой тæлмацæй", - загъта уый.

Культурон уагдоны директор ма банысан кодта, ахæм гастрольтæ хуымæтæг хъуыддаг кæй нæу, уыдон бацæттæ кæнынæн хъæуы бирæ æмæ зæрдиагæй кусын.

"Махæн уый бантыст, мах ныссастам стереотиптæ æмæ атыдтам культурон информацион блокадæ. Нæ театры тыххæй базыдтой æмæ нæ ныр хондзысты", - бахахх кодта Уалыты Мæдинæ.

Уый ма бафтыдта, ныртæккæ кæй цæуындз бадзырдтæ ног гастрольтæ æмæ стыр сценæты тыххæй.

Василий Техов
© Sputnik / Natalia Airiyan
Тъехты Василий

Хуссар Ирыстоны адæмон артист Тъехты Василий, кæцы архайдта æртæ спектаклы дæр, нымайы, гастрольтæ æцæгдæр кæй ацыдысты тынг бæрзонд æмвæзадыл.

"Алыхатт дæр иу рахатыдтæн, кæсджытæ-иу дисы кæй ныххаудысты. Уыдон æнхъæл нæ уыдысты, Хуссар Ирыстоны ахæм æмвæзадыл театр æмæ ахæм профессионалон актертæ кæ ис. Нæ спектакльтæй иумæ фæуазæг Гоша Куценко, кæцы стыр аргъ скодта хуссарирыстойнаг коллекæты профессионалондзинадæн", - радзырдта адæмон артист.

Хуссар Иры сгуыхт артисткæ Натия Чохели дæр банысан кодта, æддæмæ хæссын кæй хъæуы националон драматургийы.

"Уымæй мах фæдис кæндзыстæм æмæ бацымыдис кæндзыстæм фæсарæйнаг кæсджыты", - бахахх кодта уый.

Натиа Чохели
© Sputnik / Natalia Airiyan
Натия Чохели
2