Диссаг центр

Карантин ӕнӕ ирхӕфсӕнтӕй: Цхинвалы сӕхгӕдтой сывӕллӕтты хъазӕн центртӕ

13
Карантин, кӕцы бакодтой республикӕйы ахуырадон уагдӕтты 18 марты, - нӕу рӕстӕг тезгъотӕн ӕхсӕнадон бынӕтты, бахахх кодтой Югосетпотребнадзоры

ЦХИНВАЛ, 23 мар – Sputnik, Козаты Диана. Хуссар Ирыстоны ахуырадон уагдӕтты 18 мартӕй фӕстӕмӕ расидтысты карантин коронавирусы пандеми ӕмӕ сезонон гриппы фӕзынды тыххӕй. Ахуырадон процесс ӕрурӕдтой фыццӕгӕм апрелы онг.

Сӕйраг санитарон дохтыр Коцты Марина бахахх кодта, карантин кӕй нӕу рӕстӕг уазӕгуаты цӕуынӕн ӕмӕ ӕхсӕнадон бынӕтты тезгъо кӕнынӕн.

Югосетпотребнадзоры радзырдтой, ивгъуыд къуырийы кӕрӕтты сывӕллӕтты хъазӕн центры хицӕуттӕм кӕй барвыстой фыстӕджытӕ, цӕмӕй рӕстӕгмӕ ӕруромой сӕ куыст.

"Мах барвыстам официалон фыстӕджытӕ сӕрмагонд амалиуӕггӕнджытӕм ӕмӕ сын фехъусын кодтам, рӕстӕгмӕ кӕй хъӕуы сӕхгӕнын сывӕллӕтты хиирхӕфсӕн центртӕ. Тобӕ уыдзӕн сӕрмагонд барамынды онг", - загъта Югосетпотребнадзоры сӕрдары хӕдивӕг Гаглойты Анна.

Йӕ ныхӕстӕм гӕсгӕ, хиирхӕфсӕн центры дӕлбар кафетӕн фадат уыдзӕн кусын ӕрмӕстдӕр рахастыл. Сӕрмагонд амалиуӕггӕнджытӕ домӕнтӕ куы нӕ сӕххӕст кӕной, уӕд бафиддзысты ивар.

Цхинвалы ахӕм центртӕ бирӕ нӕй, ӕрмӕстдӕр цыппар: "Джуманджи", "Диссаг центр", "Джунгли Макс" ӕмӕ сывӕллӕтты зонӕ кафе "Vincenzo",-йы. Фӕстаг дыууӕ сӕхгӕдтой дыууӕ къуыримӕ.

"Мах сӕхгӕдтам Югосетпотребнадзоры фыстӕджытӕй дыууӕ боны раздӕр. Хиирхӕфсӕн центр у ӕнӕхъӕнӕй ӕхгӕд", - загътой "Джунгли Макс"-ы.

"Джуманджи" ӕмӕ "Диссаг центр" кӕронмӕ ӕхгӕд не сты – ӕхгӕд сты хъазӕн зонӕтӕ, фӕлӕ нырма дӕр кусынц кафетӕ.

Куысты ахӕм режим бакодтой "Диссаг центр"-ы дӕр. Центрмӕ бахизӕныл фыст ис уазджытӕн, залмӕ бахизыны размӕ кӕй хъӕуы ныхсын къухтӕ.

Карантины рӕстӕджы сывӕллӕттӕ нӕ цӕуынц спортивон секцитӕм ӕмӕ кафӕн курстӕм. Фӕлӕ уӕддӕр горӕты уынгты гӕнӕн ис фенын скъоладзауты, кӕцытӕ улӕфынц ахуырӕй горӕты компьютерон клубты ӕмӕ сывӕллӕтты фӕзуӕтты.

Знон МХМ фехъусын кодтой, ӕнахъомты фӕдыл инспекци ӕмӕ патрулон-постон службӕйы кусджытӕ кӕй уадзынц рейдон мадзӕлттӕ, цӕмӕй сывӕллӕттӕ карантины рӕстӕджы уынджы бирӕ рӕстӕг ма уадзой.

Хуссар Ирыстоны Ӕдасдзинады совет 26 мартӕй сӕрмагонд барамынды онг тобӕ сӕвӕрдта республикӕйы территорийыл культурон-массон мадзӕлттӕ уадзыныл. Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

13
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

6
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
6
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

5
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

5