Аслан Бжания

Бибылты Анатолий раарфӕ кодта Бжанияйӕн ӕвзӕрстыты фӕуӕлахизы фӕдыл

9
(ранӕуӕггонд 09:05 24.03.2020)
Къуырисӕры Абхазы Централон ӕвзарӕн къамис фехъусын кодта президентон ӕвзӕрстыты разӕлгъау бӕрӕггӕнӕнтӕ - хъӕлӕсты 65,5 процентимӕ фӕуӕлахиз Аслан Бжания

ЦХИНВАЛ, 23 мар - Sputnik. Хуссар Ирыстоны президент Бибылты Анатолий раарфӕ кодта Аслан Бжанияйӕн, Республикӕ Абхазы президентӕй йӕ кӕй равзӕрстой, уый фӕдыл.

Абхазы оппозицийы раздзог фӕлхаттон президентон ӕвзӕрстыты ссис уӕлахиздзау, хъӕлӕсты 65,5 процент сисгӕйӕ, фехъусын кодта къуырисӕры Абхазы Централон ӕвзарӕн къамис.

"Дӕ ӕнӕдызӕрдыг уӕлахиз дзурӕг у дӕ авторитетыл. Абхазы адӕмы равзӕрстой дӕ нывӕзт национ паддзахаддзинад сфидар кӕныны, социалон-экономикон райрӕзты, ӕхсӕнады ӕрбангом кӕныны фӕдыл", - дзырдӕуы Бибылты Анатолийы арфӕйы телы, кӕцы мыхуыр ӕрцыд президенты сайтыл.

Бӕстӕйы сӕргълӕууӕг ма равдыста ныфс, Аслан Бжания кӕй бахӕсдзӕн йӕ хайбавӕрд Хуссар Ир ӕмӕ Абхазы ахастыты сфидар кӕныны хъуыддагмӕ.

9
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

4
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
4
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4