Хуссар Иры парламент басгардзӕн уавӕр Ӕнӕниздзинад хъахъхъӕнынады министрады

© Sputnik / Наталья АйриянПарламенты сесси
Парламенты сесси - Sputnik Хуссар Ирыстон
Рафыссын
Къамисмӕ бахиздзысты ӕртӕ депутаты, йӕ саразыны фӕдыл уынаффӕ рахастой цыппӕрӕмы парламенты сессийыл

ЦХИНВАЛ, 26 мар - Sputnik, Гӕбӕраты Ян. Рӕстӕгмӕ къамис, кӕцыйы сконды уыдзысты Хуссар Ирыстоны парламенты ӕртӕ депутаты, басгардзӕн республикӕйы Ӕнӕниздзинад хъахъхъӕнынады министрады сӕвзӕргӕ уавӕр.

Хостӕ - Sputnik Хуссар Ирыстон
Хуссар Иры парламент хъавы сбӕрӕг кӕнын, цӕмӕннӕ фаг кӕнынц хостӕ

Къамис саразыны фӕдыл хъӕппӕрис рахаста социалон политикӕ ӕмӕ ӕнӕниздзинад хъахъхъӕнынады фӕдыл парламентон комитеты сӕрдар Плиты Александр.

"Мах иууылдӕр зонӕм, цы уавӕр фӕзынд ӕнӕниздзинад хъахъхъӕнынады системӕйы. Фӕстаг сессийыл мах радон хатт рахицӕн кодтам уӕлӕмхасӕн фӕрӕзтӕ медикаменттӕ ӕмӕ медицинон ӕрмӕджытӕн, фӕлӕ, Ӕнӕниздзинад хъахъхъӕнынады министрады бахыгъдмӕ гӕсгӕ, ацы ӕхцатӕ дӕр фаг не сты", - загъта Плиты Александр.

Комитеты сӕрдар бафтыдта, Ӕнӕниздзинад хъахъхъӕнынады министрад йӕ бахыгъды хъусын кӕны онкологон рынчынты нымӕцы фӕфылдӕр, доллары курс ӕмӕ препаратты ӕргъты фӕфылдӕры тыххӕй.

"Дыккаг проблемӕ – уӕззау уавӕр кадрон фарсты фӕдыл", - загъта Плиты Александр.

Къамисы скондмӕ бахызтысты Плиты Александр, парламенты депутат Уалыты Ибрагим ӕмӕ бюджет ӕмӕ хъалонты фӕдыл парламентон комитеты сӕрдар Джиоты Елена.

"Мӕн уырны, ацы ӕртӕ адӕймаджы, алкӕцы дӕр йӕхи здӕхты, бакусдзысты проблемӕйыл", - банысан кодта парламенты спикер Тадтаты Алан.

Къамис саразыны фӕдыл уынаффӕ райстой ӕмхъӕлӕсӕй.

Ног хабӕртты лентӕ
0