Бибылты Анатолий басгӕрста инфекцион рынчындон Цхинвалы

Бибылты Анатолий басгӕрста инфекцион рынчындон эпидемимӕ цӕттӕдзинадыл

17
(ранӕуӕггонд 11:42 01.04.2020)
Паддзахады сӕргълӕууӕг бабӕрӕг кодта инфекцион бокстӕ, рӕуджыты вентиляцийы аппараттимӕ палатӕтӕ

ЦХИНВАЛ, 31 мар – Sputnik, Козаты Диана. Президент Бибылты Анатолий бахӕс кодта бацӕттӕ кӕнын инфекцион рынчындон Цхинвалы рынчынтӕ райсынмӕ коронавирусы фӕзынды рӕстӕджы. Паддзахады сӕргълӕууӕг дыццӕджы бабӕрӕг кодта медицинон уагдон, уымӕн радзырдтой ӕмӕ фенын кодтой, цы мадзӕлттӕ райсдзысты пациентты сӕм куы ӕрбакӕной, уӕд.

Президенты цымыдис кодта, куыд ифтонг сты дохтыртӕ хъахъхъӕнӕн фӕрӕзтӕй.

"Ӕз тыхсын дохтыртыл, кӕцытӕ хос кӕндзысты фӕрынчынуӕвджытӕн. Кӕй зӕгъын ӕй хъӕуы, рынчынтӕн хъуамӕ хос кӕнӕм, уый у уӕ куысты хӕс, фӕлӕ дохтыртӕ куы фӕрынчын уой, уӕд хос та чи кӕндзӕн? Фыццаджыдӕр, хъуамӕ хъуыды кӕнӕм медицинон кусджыты ӕдасдзинадыл", - хъусын кӕны Бибылты Анатолийы ныхӕстӕ йӕ пресс-службӕ.

Ӕнӕниздзинад хъахъхъӕнынады министрады сӕргълӕууӕг Тотчиты Георгий радзырдта, рынчындоны кӕй ис хъахъхъӕнӕн халаттӕ, тагъд рӕстӕджы ноджы ӕрбаласдзысты. Афтӕ ма, медицинон уагдоны ӕнхъӕлмӕ кӕсынц химикон хъахъхъӕнынады дарӕсы ӕрбаластмӕ.

Анатолий Бибилов проверил Инфекционную больницу в Цхинвале
© Пресс-служба президента РЮО
Бибылты Анатолий басгӕрста инфекцион рынчындон Цхинвалы

Уымӕй дарддӕр, президент басгӕрста инфекцион бокстӕ дӕр, кӕцыты ис 18 бынаты, рӕуджыты вентиляцийы аппараттимӕ палатӕтӕ.

"Инфекцион рынчындоны нывӕндыстӕм сӕвӕрын рӕуджыты вентиляцийы дӕс аппараты, фӕлӕ Бибылты Анатолий бахӕс кодта бацӕттӕ кӕныны республикӕйы аппараттӕ иууылдӕр", - банысан кодтой пресс-службӕйы.

Республикӕйы президент бахӕс кодта сӕвӕрын инфекцион рынчындоны аппараттӕ иууылдӕр, цӕмӕй ӕвзӕр уавӕры рӕстӕджы ууыл рӕстӕг мауал хардз кӕной.

Анатолий Бибилов проверил Инфекционную больницу в Цхинвале
© Пресс-служба президента РЮО
Бибылты Анатолий басгӕрста инфекцион рынчындон Цхинвалы

Афтӕ ма ӕрдзырдтой бирӕпрофилон медицинон центры сӕйраг корпусы пайдакӕнынады фадатыл ӕмбӕстӕгтӕн хоскӕнынӕн инфекцийы фӕзынды рӕстӕджы.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

17
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2