Цхинвалы ахӕстон

Цхинвалы ахӕстоны тобӕ сӕвӕрдтой ахӕсттимӕ фембӕлдтыл ӕмӕ дзы бакодтой карантин

13
(ранӕуӕггонд 11:41 01.04.2020)
Арӕнӕвӕрдтӕ бакодтой рӕстӕгмӕ, сӕ нысан у бахъахъхъӕнын ахӕстты коронавирусӕй, банысан кодтой Юстицийы министрады

ЦХИНВАЛ, 1 апр – Sputnik, Козаты Диана. Цхинвалы колонийы ахӕстытӕн тобӕ сӕвӕрдтой сӕ хиуӕттимӕ фембӕлдтыл, уагдоны бакодтой карантин, фехъусын кодтой Sputnik Юстицийы министрады пресс-службӕйы.

Хуссар Ирыстоны марты кӕрӕтты бакодтой уӕлӕмхасӕн карантинон мадзӕлттӕ: ахуырадон уагдӕттӕй дарддӕр сӕхгӕдтой ӕхсӕнадон бынӕттӕ, кусынц ӕрмӕстдӕр хӕлцадон дуканитӕ ӕмӕ афтектӕ.

"Ӕфхӕрдтӕ ӕххӕстгӕнӕн хайады бакодтой карантин, вирусы апарахат ма ‘руадзыны нысанӕн тобӕ сӕвӕрдтой фембӕлдтыл колони ӕмӕ рӕстӕгмӕдарӕн изоляторы", - банысан кодтой Юстицийы министрады.

Ӕфхӕрдтӕ ӕххӕстгӕнӕн хайады хистӕры хӕдивӕг Хуыбиаты Джемалы ныхӕстӕм гӕсгӕ, уагдоны фӕтыхджындӕр кодтой куыст, кусджытӕ райстой уӕлӕмхасӕн инструкцитӕ.

Юстицийы министрады бахахх кодтой, арӕнӕвӕрдтӕ кӕй бакодтой рӕстӕгмӕ ӕмӕ сӕ нысан у бахъахъхъӕнын ахӕстты коронавирусӕй.

Профилактикон мадзӕлтты хсӕн сты – бӕстыхӕйтты ӕнӕмӕнг дезинфекци, афтӕ ма ӕрвылбон бардзысты ахӕстты ӕмӕ колонийы кусджыты температурӕ.

Уымӕй дарддӕр, уагдоны банысан кодтой, уавӕр кӕй у стабилон, ис сӕм вирусы ныхмӕ препараттӕ, антисептиктӕ, маскӕтӕ.
Афтӕ ма, ӕфхӕрдтӕ ӕххӕстгӕнӕн хайады ауагътой оперативон рабадт, кӕцыйы рӕстӕджы ӕрдзырдтой карантинон мадзӕлттыл, ӕнӕштатон уавӕрты рагфӕдзӕхстыл ӕмӕ мидӕггагон фӕткттӕ фехалыны профилактикӕйыл.

"Хъӕуы бахахх кӕнын, пенитенциарон уагдоны карантины режимы кӕй вӕййы мадзӕллты комплекс. Афтӕ ма ӕрвылбон уадзынц инструктаж хъахъхъӕныны кусджытӕн", - бафтыдтой Юстицийы министрады.

Рӕстмӕгӕнӕн колонийы ныридӕгӕн ис 50 ахӕсты.

Ивгъуыд майрӕмбоны республикӕйы хицауад бакодта уӕлӕмхасӕн карантинон мадзӕлттӕ республикӕмӕ коронавирус COVID-19 ма ‘руадзыны фӕдыл. Арӕнӕвӕрдтӕ уыдзысты 13 апрелы онг.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

13
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4