Доллар æмæ Covid-19: куыд фæивта хосты базар Цхинвалы

© Sputnik / Фатима ПлиеваАфтек
Афтек - Sputnik Хуссар Ирыстон
Рафыссын
Иумæйагæй сисгæйæ, коронавирусы апарахат афтекты сæвзæрын кодта вирусы ныхмæ хосты дефектура, доллары рæзт та схæцыд æргътыл

ЦХИНВАЛ, 1 апр – Sputnik, Плиты Фатимæ. Коронавирусы апарахат æмæ доллары рæзт Цхинвалы афтекты тæрхджытæ раафтид кодта кæцыдæр хостæй, иннæтæн та фæбæрзонддæр кодта сæ æргътæ.

Sputnik уацхæссæг бабæрæг кодта столицæйы къорд афтекы, сæ фылдæры нæй вирусы ныхмæ препараттæ, кæцыдæр хостæн та фæфылдæр сты сæ æргътæ.

© Sputnik / Фатима ПлиеваАфтек Цхинвалы
Доллар æмæ Covid-19: куыд фæивта хосты базар Цхинвалы - Sputnik Хуссар Ирыстон
Афтек Цхинвалы

Ныр мæйæ фылдæр Цхинвалы нал ис ссарæн дезинфекцийы æрмæджытæ æмæ маскæтæ. Маскæ азы дæргъы схызт 5 сомæй 50 соммæ, фæлæ ахæм аргъыл дæр Цхинвалы афтекты нæ лæууынц.

"Фарон ма сæ уæй кодтам фондз сомыл, ныр мæнæ фæстаг маскæтæ ауæй кодтам 50 сомыл. Ӕргътæ æрмæст мах фæндонæй нæ хизынц, фæлæ фæфылдæр сты Уæрæсейы дæр", - загъта афтекы кусæг.

Столицæйы афтекты куыд æмбарын кæнынц, афтæмæй коронавирусы апарахаты фæстæ адæм скъæфынц Арбидол, Ингавирин, Эргоферон æмæ Парацетамол.

Халсарты дукани - Sputnik Хуссар Ирыстон
Туджы аргъ: нуры, цывзы æмæ имбирь ныр сты "хъæзныджыты халсæрттæ"

"Ацы хостæ тынг æлхæнынц, ис ма нæм дзы сывæллæтты хостæ. Спирт æмæ æндæр дезинфекцийы æрмæджытæ нæм нæй, уымæн æмæ фæстаг æрластæн нæ уыдысты бынаты дæр", - загъта Sputnik афтектæй иуы хицау Мæдинæ.

Иумæйагæй сисгæйæ, коронавирусы апарахат афтекты сæвзæрын кодта вирусы ныхмæ препаратты дефектура, доллары рæзт та схæцыд æргътыл.

"Ис нæм вирусы ныхмæ препаратты æмæ дезинфекцийы æрмæджыты дефектура. Фæлæ сæ æргътæ фæивтой æрмæст 30 -35 сомы. Ӕргъты схызт фылдæр баст у долларимæ. Арæны сæхгæдимæ та проблемæ уыдзæн шофыр ссарын, уымæн æмæ сæ алкæцы дæр Уæрæсемæ балцы фæстæ хъуамæ дыууæ къуыри уа карантиныл", - загъта æндæр афтекы кусæг.

Хостæй дарддæр ма фæстаг къуыриты бæрæг схæцыдысты халсæрттæ æмæ дыргъты æргътыл дæр.

© Sputnik / Фатима ПлиеваАфтек Цхинвалы
Доллар æмæ Covid-19: куыд фæивта хосты базар Цхинвалы - Sputnik Хуссар Ирыстон
Афтек Цхинвалы
Ивгъуыд майрӕмбоны республикӕйы хицауад бакодта уӕлӕмхасӕн карантинон мадзӕлттӕ республикӕмӕ коронавирус COVID-19 ма ‘руадзыны фӕдыл. Арӕнӕвӕрдтӕ уыдзысты 13 апрелы онг.

Ног хабӕртты лентӕ
0