Цхинвал

Бибылты Анатолий бахӕс кодта бакусын мадзӕлттыл Уӕлвӕткон уавӕр расидыны рӕстӕджы

14
(ранӕуӕггонд 16:24 01.04.2020)
Республикӕйы территоримӕ коронавирус ӕрбахызты тас фӕфылдӕр Цӕгат Ирыстоны фыццаг фӕрынчынуӕвджыты фӕзынды фӕстӕ, банысан кодта президент хицауады рабадтыл

ЦХИНВАЛ, 1 апр - Sputnik. Хуссар Ирыстоны президент Бибылты Анатолий бахӕс кодта бакусын бӕстӕйы Уӕлвӕткон уавӕр расидыны фадатыл COVID-19 коронавирус куы фӕзына, уӕд.

Инфекциимӕ тохы мадзӕлттыл ӕрдзырдтой ӕртыццӕджы хицауады рабадтыл, кӕцы ацыд паддзахады сӕргълӕууӕджы къухдариуӕгады бын.

Президент бахахх кодта, республикӕйы территоримӕ коронавирусы ӕрбахызты тас кӕй фӕфылдӕр Цӕгат Ирыстоны фыццаг фӕрынчынуӕвджыты фӕзынды фӕстӕ.

"Иу хатт ма сидӕм республикӕйы цӕрджытӕм, цӕмӕй уой хъусдараг. Ног пандеми у тӕссаг алкӕцы ӕмбӕстагӕн дӕр. Сидын уӕм ма хизын хӕдзӕрттӕй. Мах лӕууӕм не ‘фсымӕрты фарс, ӕмӕ семӕ фӕтых уыдзыстӕм ацы тӕссагдзинадыл", - загъта Бибылты Анатолий.

Афтӕ ма, президент бахӕс кодта Уӕлвӕткон уавӕрты министрады (УУМ) сӕргълӕууӕг Цоциты Азӕмӕтӕн, цӕмӕй Югосетпотребнадзоримӕ иумӕ дезинфекци кӕной уӕзласӕн автотранспортон фӕрӕзтӕ, кӕцытӕ цӕуынц республикӕмӕ уадзӕн пункт "Дӕллаг Зӕрӕмӕг-Рукъ"-ы уылты.

Рабадты рӕстӕджы ма аскъуыддзаг кодтой рӕстӕгмӕ Уæрæсеимæ арæны сæрты хизыныл арæнæвæрдтæ бакæнын 2 апрелӕй сӕрмагонд барамынды онг.

Арӕны сӕртыл хизыныл тобӕ сӕвӕрдта уӕрӕсейаг хицауад дӕр 30 мартӕй фӕстӕмӕ, арӕнӕвӕрдтӕ хауынц алкӕцы бӕстӕмӕ дӕр, кӕцытимӕ Уӕрӕсейӕн ис арӕн, сӕ нымӕцы Хуссар Ирыстон дӕр.

Ивгъуыд майрӕмбоны республикӕйы хицауад бакодта уӕлӕмхасӕн карантинон мадзӕлттӕ республикӕмӕ коронавирус COVID-19 ма ‘руадзыны фӕдыл. Арӕнӕвӕрдтӕ уыдзысты 13 апрелы онг.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

14
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4