Карантин Хуссар Иры

Хуссар Иры карантины режим фехалджытӕм ӕнхъӕлмӕ кӕсынц ивартӕ 20 мины сомы онг

24
(ранӕуӕггонд 10:12 02.04.2020)
Республикӕйы прокуратурӕйы бацӕттӕ кодтой сӕрмагонд документ уагдӕттӕ ӕмӕ организацитӕн, кӕцытӕ хъуамӕ ӕруромой сӕ куыст карантинон мадзӕлтты рӕстӕджы

ЦХИНВАЛ, 2 апр - Sputnik. Хуссар Ирыстоны каратины рӕстӕджы ӕхгӕд сты 200 объектӕй фылдӕр. Барадхъахъхъӕнӕг органтӕ сгарынц, цӕмӕй базарадон объекттӕ (хӕлцадон дуканитӕ ӕмӕ афтектӕй дарддӕр), ресторантӕ, рӕсугъддзинады салонтӕ ӕмӕ уазӕгдӕтты хицӕуттӕ ӕххӕст кӕной хицауады уынаффӕ. Документмӕ гӕсгӕ бакодтой арӕнӕвӕрдтӕ карантины рӕстӕджы.

Республикӕйы Мидхъуыддӕгты министрады (МХМ) сӕргълӕууӕг Наниты Игорь куыд радзырдта Sputnik, афтӕмӕй уагдоны инспектортӕ ныридӕгӕн басгӕрстой 227 объекты.

"Ацы объектты хицӕутты бафӕдзӕхстой, цӕмӕй рӕстӕгмӕ ӕруромой сӕ куыст. Нӕ кусджытӕ бон дыууӕ хатт сгарынц ацы бынӕттӕ, ӕмӕ сӕ хъус дарынц карантинон мадзӕлттӕ ӕххӕст кӕнынмӕ", - банысан кодта министр.

МХМ сӕргълӕууӕг радзырдта, басгӕрст кӕй сбӕрӕг кодта ӕрмӕстдӕр иу фехӕлды. Цхинвалы кафетӕй иуы, карантинмӕ ӕнӕкӕсгӕйӕ, уыдысты уазджытӕ. Милицийы кусджытӕ сарӕзтой протокол ӕмӕ бадӕттой фӕткхалӕджы фӕдыл информаци республикӕйы сӕйраг санитарон дохтыр Коцты Маринамӕ.

Карантины режим фехалджыты гӕнӕн ис фӕивар кӕной. Сӕрмагонд документмӕ гӕсгӕ, кӕцы бацӕттӕ кодтой Хуссар Ирыстоны Генералон прокуратурӕйы, иварты бӕрц уыдзӕн 100 сомӕй 20 мин сомы онг.

"Эпидемийы ныхмӕ мадзӕлттӕ куы нӕ ӕххӕст кӕной, уӕд ӕмбӕстӕгты бафӕдзӕхсдзысты кӕнӕ та сӕ фӕивар кӕндзысты 100 сомӕй 500 сомы онг. Службӕйы лӕгты – 500 сомӕй иу мин сомы онг. Амалиуӕггӕнджыты, кӕцытӕ нӕ бакодтой юридикон гоймагдзинад фӕивар кӕндзысты 500 сомӕй иу мин сомы онг кӕнӕ та сын ӕруромдзысты сӕ куыст 90 суткӕйы онг, юридикон гоймӕгты та фӕивар кӕндзысты 10 мин сомӕй 20 мин сомы онг кӕнӕ та сын ӕруромдзысты сӕ куыст 90 суткӕйы онг", - бахахх кодтой Генералон прокуратурӕйы.

Республикӕйы хицауад 28 марты бакодта карантинон мадзӕлттӕ республикӕйы коронавирус COVID-19-ы апарахат ма ‘руадзыны нысанӕн. Апрелы райдайӕны министрты кабинет бахаста ивындзинӕдтӕ ацы уынаффӕмӕ ӕмӕ сӕхгӕдта карантиныл ноджы цалдӕр объекты.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

24
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

0
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

0
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3