Хуссар Ир карантиныл

Хуссар Иры скъолатӕ хизынц дистанцион ахуырады хицӕн нывӕзттӕм

63
(ранӕуӕггонд 12:14 06.04.2020)
Сфӕлваргӕ нывӕзтты нымӕцы сты  "Дневник.ру", "Zoom",  "Фоксворд" ӕмӕ "WhatsApp", ӕрмӕст хъуыддаг къуыхцы кӕны интернеты мӕгуырау гъӕды аххосагӕй

ЦХИНВАЛ, 6 апр – Sputnik, Плиты Фатимæ. Хуссар Ирыстоны ахуырадон уагдӕттӕ биноныг кӕнын райдыдтой дистанцион ахуырады хицӕн хуызтӕ. Ахуыргӕнджытӕ ӕвзарынц "Дневник.ру", " Фоксворд" ӕмӕ "WhatsApp", фехъусын кодтой Sputnik ахуырады министрады пресс-службӕ.

Хуссар Ирыстоны скъолаты уалдзыгон каникулты фӕстӕ адарддӕр кодтой карантин коронавирусы апарахаты тасӕй.

"Ахуырады министрады барамындмӕ гӕсгӕ скъолатӕ карантины рӕстӕг рахызтысты дистанцион системӕтӕм гӕсгӕ ахуырмӕ. Тестон режимы уал пайда кӕнынц иууыл ӕнцонвадатдӕр "Дневник.ру", " Фоксворд" ӕмӕ "WhatsApp", - загътой пресс-службӕйы.

Уыимӕ иумӕ интернеты мӕгуырау гъӕд къуылымпы кӕны, дистанцион ахуырадыл чи ис, уыдон хъуыддаг.

"Фыццаг фӕлвӕрдтам "WhatsApp" видеоныхасы руаджы, фӕлӕ ахуыргӕнӕгӕн ӕрмӕст цыппар скъоладзауы баиу кӕныны фадат ис, уымӕ гӕсгӕ рахызтысты ног нывӕзт "Zoom"-ӕй пайда кӕнынмӕ, уым та нын интернеты гъӕд халы нӕ нуӕрттӕ", - загъта ныййарӕг Зӕлинӕ.

Аннӕ ныййарджыты та тыхсын кӕны, "WhatsApp" руаджы ахуыры рӕстӕджы йӕ зӕнӕгӕй хӕслӕвӕрдтӕ сӕххӕст кӕй нӕ домынц, уый.

"Саразы сӕ мӕ фырт, фӕлӕ сӕм ахуыргӕнӕг не 'ркӕсы", - зӕгъы Оксана.

Карантины баконды размӕ ахуырадон уагдӕтты кусджытӕ иумӕйаг ӕмбырды аскъуыддзаг кодтой, интернетӕй пайда кӕныны фадат кӕмӕн нӕй, уыдон кӕй дӕтдзысты ахуырдзаутӕн хӕслӕвӕрдтӕ.

"Ахуыргӕнджытӕ, кӕцыты ахуырдзаутӕн нӕй фадат интернетӕй пайда кӕнын, науӕд сӕхӕдӕг сты ӕнӕинтернетӕй, уыдон дӕтдзысты хӕслӕвӕрдтӕ ӕмӕ сӕ стӕй сбӕрӕг кӕндзысты карантины фӕстӕ", - хъусын кӕны пресс-службӕ министр Гасситы Наталийы ныхӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 1 милуан адӕймагӕй фылдӕр 181 бӕстӕйы.

63
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

2
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

2
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0