Цхинвал

"Баззайут хӕдзӕртты": Sputnik сиды Ирыстоны цӕрджытӕм ма хизын уынгмӕ

16
(ранӕуӕггонд 16:34 07.04.2020)
Дунейы коронавирусы апарахат хынцгӕйӕ, Sputnik дӕр сиды адӕммӕ, цӕмӕй ма хизой хӕдзӕрттӕй ӕнӕ ӕнӕмӕнгхъӕуындзинадӕй

ЦХИНВАЛ, 7 апр - Sputnik. Sputnik сиды Ирыстоны цӕрджытӕм баззайын сӕ хӕдзӕртты ӕмӕ ма хизын ӕддӕмӕ ӕнӕ ӕнӕмӕнгхъӕуындзинадӕй, цӕмӕй коронавирус ма апарахат уа.

Оставайтесь дома
© Sputnik / Донат Хачиров
Баззайут уӕ хӕдзӕртты

Цӕгат Ирыстоны дыццӕджы райсомӕй фехъусын кодтой COVID-19-ӕй фараст фӕрынчынуӕвӕджы тыххӕй, вирусӕй фӕмард иу адӕймаг. Хуссар Ирыстоны не сбӕрӕг кодтой коронавирусӕй фӕрынчынуӕвджыты.

Пандемийы рӕстӕджы хӕдзары баззайынмӕ сидынц алыгъуызон службӕты кусджытӕ ӕппӕт дунейы, афтӕ ма зындгонд адӕм, организацитӕ ӕмӕ хуымӕтӕг адӕм. Амӕйразмӕ социалон хызӕгты популярон уыд флешмоб "Мах кусӕм сымах тыххӕй, ма хизут хӕдзӕрттӕй мах тыххӕй", кӕцы сарӕзтой медицинон кусджытӕ ӕппӕт дунейы.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 1,3 милуан адӕймаджы, сӕ фылдӕр хайӕн схос кодтой, 73 мин адӕймагӕй фылдӕр фӕмард сты.

16
Абхазы Уӕлахиз ӕмӕ Хӕдбардзинады бон

Абхаз рамбылдта хӕсты ӕмӕ равдыста йӕ паддзахады разагъддзинад Бибылты Анатолий

9
(ранӕуӕггонд 15:13 30.09.2020)
Хуссар Ирыстоны президент раарфӕ кодта йӕ абхазаг коллегӕйӕн националон бӕрӕгбон – Абхазы Уӕлахиз ӕмӕ Хӕдбардзинады боны фӕдыл

ЦХИНВАЛ, 30 сен - Sputnik. Хуссар Ирыстоны президент Бибылты Анатолий барвыста арфӕйы тел Абхазы сӕргълӕууӕг Аслан Бжаниямӕ республикӕйы Уӕлахиз ӕмӕ Хӕдбардзинады боны фӕдыл. Хуссарирыстойнаг лидер банысан кодта, 27 азы размӕ Абхазы адӕм кӕй рамбылдтой ӕмӕ фенын кодтой дунейӕн абхазаг паддзахады разагъддзинад ӕмӕ тых.

"Фыдыбӕстӕйон хӕст 1992-1993 азты уыд уӕззау фӕлварӕн абхазаг адӕмӕн. Гуырдзыстон сӕххӕст кодта егъау агресси Абхазы ныхмӕ, фӕлӕ знӕгтӕ не ‘мбӕрстой, абхазӕгтӕ кӕй хъахъхъӕнынц сӕ райгуырӕн зӕхх, сӕ бинонты, сӕ фидӕн ӕмӕ сӕ афтӕмӕй рамбулӕн нӕй", - дзырдӕуы арфӕйы тексты.

Бибылты Анатолий банысан кодта бархион ӕфсӕдты хъайтардзинад дӕр, кӕцытӕ ӕрцыдысты Цӕгат Кавказы республикӕтӕй.

"Абхазы адӕмы хъайтардзинады фарс балӕууыдысты бархион ӕфсӕдтӕ цӕгаткавказаг республикӕтӕ ӕмӕ ӕндӕр бӕстӕтӕй. Сӕ фарсмӕ знагимӕ тох кодтой Хуссар Ирыстоны хӕстонтӕ дӕр. Мах алыхатт дӕр хъуыды кӕндзыстӕм сӕ хъӕбатырдзинад, кӕцы уыдон равдыстой Абхазы хӕдбардзинадыл тохы", - бафтыдта президент.

Паддзахады сӕргълӕууӕг банысан кодта, Абхаз абоны бон кӕй кӕй цӕуы хӕдбар паддзахады прогрессивон райрӕзты фӕндагыл ӕмӕ фидар кӕны йе ‘хсӕнадӕмон авторитет.

Абхазы 30 сентябры нысан кӕнынц Уӕлахиз ӕмӕ хӕдбардзинады бон. Ацы бон 27 азы размӕ абхазаг ӕфсӕдтӕ рахызтысты Ингуры донмӕ, Гуырдзыстонимӕ паддзахадон арӕнмӕ ӕмӕ сӕвӕрдтой хидыл абхазаг тырыса. Афтӕмӕй фӕцис Абхазы адӕмы Фыдыбӕстӕйон хӕст. Гуырдзиаг-абхазаг хӕст цыд 413 боны, конфликты рӕстӕджы фӕмард сты 3,5 мин адӕймаджы.

9
Цхинвал

Фӕткхалджыты фылдӕр хай ис Цхинвалы. Хуссар Иры уагъд цӕуынц рейдтӕ фӕндӕгтыл

7
(ранӕуӕггонд 12:46 30.09.2020)
Республикӕйы фӕндӕгтыл уагъд цӕуынц рейдтӕ фӕндагон змӕлды фӕткхалджыты ӕмӕ нозтджын шофырты сбӕрӕг кӕныны фӕдыл

ЦХИНВАЛ, 30 сен - Sputnik. Хуссар Ирыстоны Мидхъуыддӕгты министрады (МХМ) Паддзахадон автоинспекцийы кусджытӕ сбӕрӕг кодтой республикӕйы фӕндӕгтыл фӕндагон змӕлды 23 фӕткхалды иу суткӕмӕ, фӕткхалджыты фылдӕр хай ис Цхинвалы.

"15 шофыры фӕдыл сарӕзтой административон протоколтӕ автотранспорт ӕнӕ ӕмбӕлон документтӕй скъӕрыны тыххӕй. Афтӕ ма, ӕртӕ шофыры ӕрбаздахтой административон бӕрнмӕ фӕндагон нысӕнтты домӕнтӕ фехалыны тыххӕй", - дзырдӕуы уагдоны пресс-службӕйы хъусинаджы.

МХМ бафтыдтой, ПАИ кусджытӕ кӕй уадзынц рейдтӕ МХМ патрулон-постон службӕ ӕмӕ сӕрмагонд дӕлхайӕдты кусджытимӕ иумӕ. Уӕлдай хъусдард здӕхт у автотранспорт фылдӕр цы уынгтыл вӕййы, уыдонмӕ, цӕмӕй сбӕрӕг кӕной фӕндагон змӕлды фӕткхалджыты ӕмӕ нозтджын шофырты.

7
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0