Контрабандӕ Хуссар Ир ӕмӕ Гуырдзыстоны арӕныл

Хуссар Ир ӕмӕ Гуырдзыстоны арӕныл активизаци кӕны контрабандон архайд ПӔК

12
(ранӕуӕггонд 13:07 10.04.2020)
Хуссар Ирыстон ӕмӕ Уӕрӕсейы арӕн хъахъхъӕнджытӕ ӕрурӕдтой контрабандӕйы ӕрбаласт Ленингоры районы

ЦХИНВАЛ, 10 апр - Sputnik. Хуссар Ирыстоны Паддзахадон ӕдасдзинады комитеты нысан кӕнынц контрабандон архайды активизаци Хуссар Ирыстон ӕмӕ Гуырдзыстоны хсӕн паддзахадон арӕны уылты.

Уагдоны пресс-службӕ куыд хъусын кӕны, афтӕмӕй Комитеты арӕнгӕрон службӕйы кусджытӕ ӕмӕ Уӕрӕсейы Федералон ӕдасдзинады службӕйы арӕнгӕрон хайады ӕфсӕддонтӕ ӕрурӕдтой контрабандон базайрӕгты ӕрбаласт Хуссар Ирыстоны Ленингоры районы.

"Нӕ бӕрӕггӕнӕнтӕм гӕсгӕ, ацы канал сорганизаци кодтой гуырдзиаг сӕрмагонд службӕтӕ, кӕцытӕ ӕрбаздахынц РХИ арӕнгӕрон территорийыл цӕрӕг цӕрджыты, цӕмӕй саразой уавӕртӕ коронавирус COVID-19-ы ӕрбахызтӕн Хуссар Ирыстоны территоримӕ", - дзырдӕуы хъусинаджы.

Республикӕйы Паддзахадон ӕдасдзинады комитеты (ПӔК) арӕнгӕрон службӕ скъуыддзаг кӕны фарст уголовон хъуыддаг бакӕныны тыххӕй фӕткхалджыты фӕдыл.

Афтӕ ма ПӔК банысан кодтой, Гырдзыстоны арӕнгӕрон цӕрджытӕн кӕй нӕ фаг кӕнынц продукттӕ Уӕлвӕткон уавӕр ӕмӕ гуырдзиаг экономикӕйы стагнацийы рӕстӕджы Тбилисы куырдиатмӕ ӕнӕкӕсгӕйӕ, кӕцыйы дзырдӕуы, ома бӕстӕмӕ ӕрбацыд бирӕ милуанты аргъ гуманитарон ӕххуыс ӕхсӕнадӕмон организацитӕй.

Уагдоны фехъусын кодтой Хуссар Ирыстоны ӕмбӕстӕгтӕн, арӕнгӕрон законад фехалыны фӕдыл кӕй хӕсдзысты административон ӕмӕ уголовон бӕрндзинад, афтӕ ма тӕссаг эпидемиологон уавӕры тыххӕй, кӕцы баст у коронавирусы ӕрбахызты фадатимӕ Гуырдзыстоны территорийӕ.

Гуырдзыстоны COVID-19-ӕй фӕрынчынуӕвджыты нымӕц у 230 адӕймаджы, схос кодтой 52 рынчынӕн, ӕртӕ адӕймаджы фӕмард сты. Карантиныл сты 4,8 мин адӕймаджы.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 1,5 милуан адӕймагӕй фылдӕр, 87 мин адӕймагӕй фылдӕр фӕмард сты.

  • Контрабандӕ Хуссар Ир ӕмӕ Гуырдзыстоны арӕныл
    Контрабандӕ Хуссар Ир ӕмӕ Гуырдзыстоны арӕныл
    Пресс-служба КГБ РЮО
  • Контрабандӕ Хуссар Ир ӕмӕ Гуырдзыстоны арӕныл
    Контрабандӕ Хуссар Ир ӕмӕ Гуырдзыстоны арӕныл
    Пресс-служба КГБ РЮО
  • Контрабандӕ Хуссар Ир ӕмӕ Гуырдзыстоны арӕныл
    Контрабандӕ Хуссар Ир ӕмӕ Гуырдзыстоны арӕныл
    Пресс-служба КГБ РЮО
1 / 3
Пресс-служба КГБ РЮО
Контрабандӕ Хуссар Ир ӕмӕ Гуырдзыстоны арӕныл
12
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12