Арӕнхъахъхъӕнджытӕ

Хуссар Иры арӕнхъахъхъӕнджытӕ иу мӕймӕ ӕрцахстой 40 арӕнхалӕгӕй фылдӕр

11
(ранӕуӕггонд 13:14 13.04.2020)
Карантин ӕмӕ тӕссаг эпидемиологон уавӕрмӕ ӕнӕкӕсгӕйӕ, арӕны фехӕлдты нымӕц марты фӕфылдӕр февралы бӕрӕггӕнӕнтӕй

ЦХИНВАЛ, 13 апр – Sputnik, Козаты Диана. Хуссар Ирыстоны паддзахадон арӕн марты фехӕлдтой 40 адӕймагӕй фылдӕр, хъусын кӕны къуырисӕры Паддзахадон ӕдасдзинады комитеты (ПӔК) пресс-службӕ.

Хуссар Ирыстоны къухдариуӕгад коронавирусы пандемийы тыххӕй иу мӕйы размӕ сӕхгӕдтой арӕн Гуырдзыстонимӕ, арӕнӕвӕрдон режимы кусы Уӕрӕсеимӕ арӕн.

"Арӕны хӕйттыл Хуссар Ирыстоны арӕнхъахъхъӕнджытӕ марты ӕрурӕдтой 41 фӕткхалӕджы. Уыдонӕй фондз фехӕлдтой паддзахадон арӕны режим, 36 та арӕнгӕрон режим. Февралы арӕнхалджыты нымӕц уыд къаддӕр – 38 адӕймаджы", - радзырдтой уагдоны пресс-службӕйы.

ПӔК арӕнгӕрон службӕ алкӕцы цауы фӕдыл дӕр ауагъта равзӕртстытӕ, кӕцыты фӕстиуӕгӕн фӕткхалджыты ӕрбаздахтой административон бӕрнмӕ. Административон ивар бафыстой 27 адӕймаджы, дыууӕйы арвыстой Хуссар Ирыстоны территорийӕ ӕнӕ иварон санкцитӕй, ноджы 12 адӕймаджы та бафӕдзӕхстой.

"Иумӕйагӕй арӕнсӕтджытӕ бафыстой паддзахадон бюджетмӕ 42,5 мин сомы", - банысан кодтой ПӔК.

Уагдоны фехъусын кодтой, кӕй хъӕуы райсын барлӕвӕрд хӕдзарадон ӕмӕ ӕндӕр архайд ӕххӕст кӕныны фӕдыл арӕнгӕрон зонӕйы, афтӕ ма хъӕуы ӕххӕст кӕнын арӕнгӕрон режимы фӕтктӕ.

11
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5
Хъахъхъӕнынады министрад

Хуссар Иры райдыдтой исын документтӕ УФ ӕфсӕддон ахуыргӕнӕндӕттӕм бацӕуыны фӕдыл

4
(ранӕуӕггонд 14:24 27.05.2020)
Ӕнӕмӕнгхъӕуӕг документтӕ исдзысты Хуссар Ирыстоны Ӕфсӕддон комиссариаты 4 июны онг

ЦХИНВАЛ, 27 май — Sputnik. Хуссар Ирыстоны Хъахъхъӕнынады министрад ӕртыццӕгӕй фӕстӕмӕ райдыдта исын хуссарирыстойнаг абитуриентты документтӕ, кӕцыты фӕнды бацӕуын Уӕрӕсейы Хъахъхъӕнынады министрады ӕфсӕддон ахуырадон уагдӕттӕм, хъусын кӕны уагдоны пресс-службӕ.

Документтӕ исдзысты 4 июны онг.

"Хуссар Ирыстоны Хъахъхъӕнынады министрады 27 майӕ фӕстӕмӕ райдыдтой исын куырдиӕттӕ, цӕмӕй хуссарирыстойнаг абитуриенттӕ бацӕуой Уӕрӕсейы Федерацийы Хъахъхъӕнынады министрады ӕфсӕддон ахуырадон уагдӕттӕм", - дзырдӕуы хъусинаджы.

Пресс-службӕйы бафтыдтой, абитуриенттӕн сӕ бон кӕй у райсын ӕнӕмӕнгхъӕуӕг информаци республикӕйы Ӕфсӕддон комиссариаты.

4