Ӕрсидты кампани

Хуссар Иры райдыдта уалдзыгон ӕрсидт ӕфсадмӕ

26
(ранӕуӕггонд 14:46 16.04.2020)
Хъахъхъӕнынады министрады райсдзысты мадзӕлттӕ коронавирус апарахат ма ‘руадзыны фӕдыл ӕрсидты рӕстӕджы

ЦХИНВАЛ, 16 апр - Sputnik. Хуссар Ирыстоны райдыдта уалдзыгон ӕрсидты кампани, хъусын кӕны республикӕйы Хъахъхъӕнынады министрады пресс-службӕ. Гарзджын тыхты ӕфсӕддон службӕмӕ ӕрсидтысты 18-27 азы кары ӕмбӕстӕгтӕм.

Республикӕйы ӕфсӕддон комиссариаттӕ ныридӕгӕн райдыдтой ӕрвитын ӕрсидты фӕдыл гӕххӕттытӕ ӕмбӕстӕгтӕм.

Амӕйразмӕ Хъахъхъӕнынады министрады фехъусын кодтой, ӕрсидты фӕткы кӕй ницы ивындзинӕдтӕ ӕрцӕудзӕн коронавирусы тыххӕй. Уагдоны нывӕндынц ӕрсидын сӕдӕ ӕфсӕддонмӕ ӕввахс. Афтӕ ма, райсдзысты мадзӕлттӕ коронавирус апарахат ма ‘руадзыны фӕдыл, бахахх кодтой Хъахъхъӕнынады министрады.

"Ӕфсӕддон-дохтырон къамисы куысты рӕстӕджы ӕрсиддонтӕ ацӕудзысты лӕмбынӕг медицинон багӕрст – ӕфсӕддон службӕмӕ цӕттӕдзинадӕй дарддӕр медиктӕ бӕрӕг кӕндзысты инфекцион низты уӕвынад", - дзырдӕуы хъусинаджы.

Ӕвзонг ӕфсӕддоны программӕмӕ гӕсгӕ цӕттӕкӕнынадмӕ ӕрвитдзысты ӕрсиддонты, кӕцыты ӕнӕниздзинадмӕ зӕрдӕ не ‘хсайы. Мӕйы дӕргъы ротӕйы сизоляци кӕндзысты Хъахъхъӕнынады министрады ахуырадон центры, цӕмӕй ма ‘руадзой коронавирусы апарахат.

Рӕвдзыты фӕстӕ ӕрсиддонтӕ райсдзысты ардбахӕрд ӕмӕ сӕ арвитдзысты Хъахъхъӕнынады министрады хицӕн ахуырадон ротӕмӕ сӕ дарддӕры службӕмӕ. Хуссар Иры Гарзджын службӕйы ӕмгъуыд у иу аз.

Амӕйразмӕ президент Бибылты Анатолий расидт 8-ӕй 20-ӕм апрельмӕ ӕнӕкусӕгон бонтӕ. Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн сӕхгӕдтой 1 майы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

26
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4