Тагъд ӕххуыс

Уӕлвӕткон министрады радзырдтой Цхинвалы сабийы фӕхъӕстӕйы аххосӕгтӕ

31
(ранӕуӕггонд 11:10 17.04.2020)
Сывӕллоны рынчындонмӕ фӕхӕццӕ кодтой уӕззау уавӕры, фӕлӕ дохтырты фӕрцы ныр йӕ цардӕн ницы тас у

ЦХИНВАЛ, 17 апр — Sputnik, Плиты Фатимӕ. Хуссар Ирыстоны Уӕлвӕткон уавӕрты министрад фехъусын кодта дыууадӕсаздзыд лӕппуйы угарон газӕй фӕхъӕстӕйы цауы лыстӕгдзинӕдтӕ. Хисӕрмагонд хӕдзары уӕлӕмхас амады донхъармгӕнӕн ӕвӕрд уыд фӕткхӕлдтимӕ, уый ссис сывӕллоны фӕхъӕстӕйы аххосаг, фехъуысын кодтой Sputnik УУМ пресс-службӕйы.

Цыппӕрӕмы 20:30 сахатыл УУМ радгӕсон службӕмӕ фӕсидтысты МХМ-йы горӕты хайадӕй дыууадӕсаздзыд лӕппуйы фӕхъӕстӕйы тыххӕй.

"Бынатмӕ бацыдысты уӕлвӕткон уагдоны ирвӕзынгӕнджытӕ ӕрцӕугӕ цауы аххосӕгтӕ сбӕлвырд кӕныны тыххӕй. Угарон газ ахъуызыд, донхъармгӕнӕн техникон ӕдасдзинады домӕнтӕм гӕсгӕ  ӕвӕрд кӕй нӕ уыд, уый тыххӕй", -  загъта уагдоны пресс-секретарь Тедеты Роза.

Уый ма банысан кодта, сывӕллоны рынчындонмӕ кӕй фӕхӕццӕ кодтой уӕззау уавӕры, фӕлӕ дохтырты фӕрцы ныр йӕ цардӕн ницы тас у. 

31
Ерман

Ног маршрут: Хуссар Иры альпинисттӕ схиздзысты Хъӕдласӕны хохмӕ

3
(ранӕуӕггонд 11:51 22.10.2020)
Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы

ЦХИНВАЛ, 22 окт - Sputnik, Плиты Фатимӕ. Хуссар Ирыстоны альпинистты къорд схиздзӕн Дзауы районы Хъӕдласӕны хохы бӕрзӕнмӕ, фехъусын кодта Sputnik балцгӕнджытӕй иу Багаты Марат.

Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы. 

"Хъӕдласӕн хохмӕ никуыма ахызтыстӕм, нымад цӕуы зынвадатыл. Ис Ерманы хъӕуы сӕрмӕ галиу фарс. Нӕ планмӕ гӕсгӕ хъуамӕ афӕндараст уӕм майрӕмбоны ӕмӕ хуыцаубоны фӕстӕмӕ сӕмбӕлӕм нӕ хӕдзӕрттыл.  Йӕ бӕрзӕндыл ӕрсадздзыстӕм ирон тырыса", - загъта Марат.

Альпинист банысан кодта, Хъӕдласӕнмӕ уӕлӕмӕ сцыд кӕй ахсы ӕхсӕз сахатмӕ ӕввахс, фӕстӕмӕ та - цыппар.

3
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

6
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
6