Цхинвалы цӕрӕджы ӕрцахстой йӕ хӕдзары кӕрты гӕн зайын кӕныны тыххӕй

CC0 / Pixabay / Гӕны къутӕр
Гӕны къутӕр - Sputnik Хуссар Ирыстон
Рафыссын
Цхинвалы районы ӕрцахстой столицӕйы цӕрӕджы зайӕгойтӕ ӕнӕзаконон зайын кӕныны тыххӕй, кӕцыты ис наркотикон буарад

ЦХИНВАЛ, 17 апр - Sputnik. Цхинвалы цӕрӕджы ӕрцахстой гӕн зайын кӕныны тыххӕй, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

"Криминалон милицийы наркотикон буарадтӕм хъусдарды фӕдыл хайады кусджытӕ ссардтой гӕны къутӕртӕ оперативон-сгарӕн мадзӕлтты рӕстӕджы столицӕйы 50-аздзыд цӕрӕджы хӕдзары Цхинвалы районы Дӕллаг Ходы хъӕуы", - дзырдӕуы уагдоны хъусинаджы.

Фыдгӕнӕджы хисӕрмагонд хӕдзары оперативон кусджытӕ ссардтой зайӕгойтӕ, кӕцытӕ барвыстой МХМ экспертон-криминалистон центрмӕ. Экспертиза сбӕрӕг кодта, цыппар къутӕры кӕй сты гӕн ӕмӕ сӕ ис наркотикон буарад тетрагидроканнабинол.

Нӕлгоймаджы бакодтой Цхинвалы районы мидхъуыддӕгты хайады рӕстӕгмӕдарӕн камерӕмӕ.

Ног хабӕртты лентӕ
0