Быдырон кампани йӕ тӕмӕны: Хуссар Иры бакодтой уалдзыгон тауӕн куыстыты ӕмбис

© Sputnik / Александр Поготов /  Ахизын медиабанкмæУалдзыгон куыстытӕ быдырты
Уалдзыгон куыстытӕ быдырты - Sputnik Хуссар Ирыстон
Рафыссын
Республикӕйы фылдӕр бӕрцӕй тауынц уалдзыгон культурӕтӕ, чысыл къаддӕр вӕййынц фӕззыгон быдыртӕ. Ацы аз фӕзынд тауинаг ӕрласыны проблемӕ карантины тыххӕй

ЦХИНВАЛ, 17 апр – Sputnik, Гӕбӕраты Элина. Хуссар Ирыстоны ӕрӕвнӕлдтой уалдзыгон быдырон куыстытӕм, фехъусын кодта Sputnik хъӕууон хӕдзарады министрады минӕвар Абайты Сергей.

Уый  бахахх кодта, республикӕйы ӕрвылаз дӕр кӕй бакусынц 62 мин гектарӕй фылдӕр зӕххытӕ, се хсӕн быдыртӕ ӕмӕ угӕрдӕнтӕ.

"Сӕ тӕмӕны сты тауӕн куыстытӕ. Уалдзыгон куыстыты ӕмбис фесты республикӕйы ӕппӕт районты дӕр. фылдӕр бӕрцӕй тауынц уалдзыгон культурӕтӕ, чысыл къаддӕр вӕййынц фӕззыгон быдыртӕ", - загъта Абайты Сергей.

Уый ма фехъусын кодта, ацы аз карантины тыххӕй кӕй фӕзынд проблемӕ тауинаг ӕрласынимӕ.

"Рӕстӕгыл нӕ къухы нӕ бафтыд тауинаг ӕрласын, уыимӕ картофы тауинаг дӕр. Рӕтӕгыл куыннӕ байтауӕм алцыдӕр, уӕд тыллӕг нӕ райсдзыстӕм", - катай кӕны агроном.

Быдырон куыстытӕн техникӕ иууылдӕр у куыстхъом, ӕрмӕст уыдон фаг не сты ӕмӕ алцӕуыл не 'ххӕссынц. Абайты Сергейы ныхӕстӕм гӕсгӕ, азы кӕронмӕ ӕнхъӕлмӕ кӕсынц ног техникӕмӕ дӕр.

Ног хабӕртты лентӕ
0