Сӕндуцӕн Иронсӕн

Егъау сӕндуцӕг Хуссар Ирӕй радзырдта карантины тыххӕй проблемӕтыл

17
(ранӕуӕггонд 14:44 17.04.2020)
Егъау сӕндуцӕн компанийы генералон директор Алексей Цапаев радзырдта Sputnik, COVID-19-ы пандемийы тасы фӕдыл арӕнӕвӕрдты тыххӕй цы ивындзинӕдтӕ ӕрцыд рауагъдады куысты, ууыл

ЦХИНВАЛ, 17 апр – Sputnik, Годжысаты Анна. Хуссар Ирыстоны куыстуӕтты фылдӕр хай кусы штатон режимы, фӕлӕ сӕндуцӕн "Иронсӕн"-ы генералон директор Алексей Цапаевы ныхӕстӕм гӕсгӕ, хицауад цы мадзӕлттӕ бакодта коронавирусимӕ тох кӕнынӕн, уыдон ӕрхӕсдзысты ӕвзӕр фӕстиуджытӕ бизнесӕн.

"Алкӕцы куыстлӕудӕн дӕр, кӕй зӕгъын ӕй хъӕуы, вӕййы ӕвзӕр фӕстиуджытӕ. Уымӕй фӕдзӕхст ничи у", - загъта амалиуӕггӕнӕг.

Марты кӕрӕтты Хуссар Ирыстоны къухдариуӕгад бакодта карантинон мадзӕлттӕ COVID-19-ы коронавирусы апарахат ма ‘руадзыны нысанӕн. Дыууӕ къуырийы фӕстӕ тобӕ сӕвӕрдтой цардуаджы лӕггӕдты объектты куыстыл, афтӕ ма арӕнӕвӕрдтӕ бакодтой Уӕрӕсеимӕ арӕны уылты хизыныл.

"Ис нын зындзинӕдтӕ, уымӕн ӕмӕ ӕрмӕджыты хай ласӕм Цӕгат Ирыстонӕй, ӕмӕ таможнӕ ӕхгӕд кӕй у, уый тыххӕй нӕ бон нӕу ӕрласын уӕлӕмхасӕн ӕрмӕджытӕ. Кусӕм рӕстӕмбис режимы", - банысан кодта уый.

Афтӕ ма амалиуӕггӕнӕг бахахх кодта, заводы кӕй нӕй ӕххӕст кусӕгон процесс, уагъд цӕуынц ӕрмӕстдӕр монтажон куыстытӕ. Куы бахъӕуы, уӕд куыстмӕ рахизынц цыбыр ӕмгъуыдмӕ ӕрмӕстдӕр кӕцыдӕр специалисттӕ. Иннӕ кусджытӕ сты хӕдзары хисӕрмагонд изоляцийы.

Амӕйразмӕ президент Бибылты Анатолий расидт 8-ӕй 20-ӕм апрельмӕ ӕнӕкусӕгон бонтӕ. Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн сӕхгӕдтой 1 майы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

17
Ерман

Ног маршрут: Хуссар Иры альпинисттӕ схиздзысты Хъӕдласӕны хохмӕ

1
(ранӕуӕггонд 11:51 22.10.2020)
Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы

ЦХИНВАЛ, 22 окт - Sputnik, Плиты Фатимӕ. Хуссар Ирыстоны альпинистты къорд схиздзӕн Дзауы районы Хъӕдласӕны хохы бӕрзӕнмӕ, фехъусын кодта Sputnik балцгӕнджытӕй иу Багаты Марат.

Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы. 

"Хъӕдласӕн хохмӕ никуыма ахызтыстӕм, нымад цӕуы зынвадатыл. Ис Ерманы хъӕуы сӕрмӕ галиу фарс. Нӕ планмӕ гӕсгӕ хъуамӕ афӕндараст уӕм майрӕмбоны ӕмӕ хуыцаубоны фӕстӕмӕ сӕмбӕлӕм нӕ хӕдзӕрттыл.  Йӕ бӕрзӕндыл ӕрсадздзыстӕм ирон тырыса", - загъта Марат.

Альпинист банысан кодта, Хъӕдласӕнмӕ уӕлӕмӕ сцыд кӕй ахсы ӕхсӕз сахатмӕ ӕввахс, фӕстӕмӕ та - цыппар.

1
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

5
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
5