Бибылты Анатолий бахӕс кодта райсын хъусдарды бынмӕ базайрӕгты ӕргъты фӕфылдӕр

Бибылты Анатолий бахӕс кодта райсын хъусдардмӕ базайрӕгты ӕргъты фӕфылдӕр

16
(ранӕуӕггонд 11:18 21.04.2020)
Амалиуӕггӕнджытӕ гӕр тынг куы фылдӕр кӕной ӕргътӕ, уӕд республикӕмӕ базайрӕгтӕ ласын райдайдзӕн паддзахад, фехъусын кодта президент

ЦХИНВАЛ, 20 апр — Sputnik, Коцты Анна. Хуссар Ирыстоны экономикӕйы министрад йӕ хъус ӕрдардзӕн республикӕйы базарадон объектты ӕргъты фӕфылдӕрмӕ. Бибылты Анатолий ахӕм хӕслӕвӕрд радта вице-премьер - экономикон райрӕзты министрады сӕргълӕууӕг Бекъойты Геннадийӕн.

"Басгӕрст ӕрмӕст ӕмбӕстӕгтӕ бадзырдтӕй хъуамӕ ма уадзой. Махмӕ ис фаг паддзахадон службӕгӕнджытӕ, кӕцытӕн ис фадат сгарын фыццаг ӕнӕмӕнгхъӕуындзинады базайрӕгты ӕргътӕ", - загъта Бибылты Анатолий коронавирусы апарахат ма ‘руадзыны фӕдыл оперативон штабы рабадтыл.

Оперативон штабы рабадтыл ӕрдзырдтой хӕлцадон продукттӕ, халсартӕ ӕмӕ дыргъты ӕргъты фӕфылдӕрыл.

"Таможнӕйон комитет 25 апрелы онг бавдисдзӕн информаци республикӕмӕ фӕстаг мӕйы базайрӕгты цас бӕрцуат ӕрбаластой, уый тыххӕй. Кӕд базарадон объектты ӕргътӕ барӕй фӕфылдӕр кодтой, уӕд мах паддзахадон фӕрӕзтӕй балхӕндзыстӕм базайрӕгтӕ иу мӕйы фаг ӕмӕ сӕ ӕрласдзыстӕм республикӕмӕ – афтӕмӕй мах райсдзыстӕм хъусдарды бынмӕ ӕргъты фӕфылдӕр", - загъта Бибылты Анатолий.

Экономикӕйы министрадӕй дарддӕр хӕлцадон продуктты ӕргътӕ мониторинг кӕндзӕн республикӕйы прокуратурӕ дӕр.

Абоны бон амалиуӕггӕнджыты нымӕц, кӕцытӕ ласынц алыгъуызон базайрӕгтӕ республикӕмӕ, хицауад рӕстӕгмӕ фӕкъаддӕр кодта. Базайрӕгтӕ чи ласы, уыдон иууылдӕр раздӕр райстой официалон барлӕвӕрд хицауадӕй. Ахӕм амалиуӕггӕнджыты нымӕц схызт 11-ӕй 30 адӕймаджы онг. Хуссар Ирыстоны Паддзахадон ӕдасдзинады арӕнгӕрон службӕйы бӕрӕггӕнӕнтӕм гӕсгӕ, 19 апрелы райсом 8.00 сахатӕй 20 апрелы райсом 8.00 сахатмӕ республикӕмӕ ӕрбахызт автотранспорты 16 иуӕджы, уыдонӕй 14 ӕрластой алыгъуызон базайрӕгтӕ.

Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн сӕхгӕдтой 1 майы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

Амӕйразмӕ президент Бибылты Анатолий адарддӕр кодта ӕнӕкусӕгон бонтӕ 30 апрелы онг.

16
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5
Хъахъхъӕнынады министрад

Хуссар Иры райдыдтой исын документтӕ УФ ӕфсӕддон ахуыргӕнӕндӕттӕм бацӕуыны фӕдыл

4
(ранӕуӕггонд 14:24 27.05.2020)
Ӕнӕмӕнгхъӕуӕг документтӕ исдзысты Хуссар Ирыстоны Ӕфсӕддон комиссариаты 4 июны онг

ЦХИНВАЛ, 27 май — Sputnik. Хуссар Ирыстоны Хъахъхъӕнынады министрад ӕртыццӕгӕй фӕстӕмӕ райдыдта исын хуссарирыстойнаг абитуриентты документтӕ, кӕцыты фӕнды бацӕуын Уӕрӕсейы Хъахъхъӕнынады министрады ӕфсӕддон ахуырадон уагдӕттӕм, хъусын кӕны уагдоны пресс-службӕ.

Документтӕ исдзысты 4 июны онг.

"Хуссар Ирыстоны Хъахъхъӕнынады министрады 27 майӕ фӕстӕмӕ райдыдтой исын куырдиӕттӕ, цӕмӕй хуссарирыстойнаг абитуриенттӕ бацӕуой Уӕрӕсейы Федерацийы Хъахъхъӕнынады министрады ӕфсӕддон ахуырадон уагдӕттӕм", - дзырдӕуы хъусинаджы.

Пресс-службӕйы бафтыдтой, абитуриенттӕн сӕ бон кӕй у райсын ӕнӕмӕнгхъӕуӕг информаци республикӕйы Ӕфсӕддон комиссариаты.

4