Сырх Дзуары комитет

Сырх Дзуары сӕрдар: цӕттӕ стӕм баххуыс кӕнын Хуссар Ирӕн COVID-19-ы ныхмӕ тохы

22
(ранӕуӕггонд 15:47 21.04.2020)
Республикӕйы ФХМ сӕргълӕууӕг Медойты Дмитрий ӕрдзырдта коронавирусимӕ тохы фӕдыл ӕхсӕнадон организацийы минӕварады ног сӕргълӕууӕг Хуссар Ирыстоны Кармен Эчесарретимӕ

ЦХИНВАЛ, 21 апр - Sputnik. Хуссар Ирыстоны Ӕхсӕнадӕмон Сырх Дзуары комитеты ног сӕргълӕууӕг Кармен Эчесаррет равдыста ныфс, коронавирус кӕй не ‘рбахиздзӕн республикӕйы территоримӕ, афтӕ ма банысан кодта организацийы цӕттӕдзинад COVID-19-ы ныхмӕ тохӕн баххуыс кӕнынӕн. Уый тыххӕй комитеты сӕрдар фехъусын кодта Хуссар Ирыстоны фӕсарӕйнаг хъуыддӕгты министр Медойты Дмитриимӕ фембӕлды рӕстӕджы дыццӕджы, хъусын кӕны Фӕсарӕйнаг хъуыддӕгты министрады (ФХМ) пресс-службӕ.

Министр иностранных дел Республики Южная Осетия Д.Н. Медоев принял нового Главу Представительства Международного Комитета Красного Креста в Республике Южная Осетия г-жу Кармен Эчесаррету
Хуссар Ирыстоны фӕсарӕйаг хъуыддӕгты министр Медойты Дмитрий фембӕлд Ӕхсӕнадӕмон Сырх Дзуары комитеты ног сӕргълӕууӕг Кармен Эчесарретимӕ

"Фембӕлды рӕстӕджы сӕйраг хъусдард здӕхт уыд коронавирусы пандемийы фарстытӕн, афтӕ ма бахахх кодтой дунейы ӕхсӕнады тыхты активизацийы ахсджиагдзинад ацы инфекцийы апарахат ма ‘руадзыны нысанӕн", - дзырдӕуы хъусинаджы.

Афтӕ ма фембӕлды рӕстӕджы ӕрдзырдтой Сырх Дзуары архайды фарстытыл Хуссар Ирыстоны территорийыл, ӕмӕ ӕркастысты организацийы дарддӕры нывӕзтытӕм.

Медойты Дмитрий хорз саргъ кодта ӕхсӕнадӕмон организацийы архайдӕн, сӕйраджыдӕр, ӕбӕрӕгӕй фесӕфӕг адӕмы агурыны фӕдыл координацион механизмӕн.

22
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12