Цхинвал

Хуссар Иры столицӕйы бавнӕлдтой уалдзыгон зӕлдфӕлындӕнмӕ

11
(ранӕуӕггонд 10:57 22.04.2020)
Цхинвалы уынгтыл коммуналон службӕты кусджытӕ бавнӕлдтой талатӕ садзынмӕ, газонтӕ сног кӕнынмӕ ӕмӕ къутӕртӕ хсӕдынмӕ

ЦХИНВАЛ, 21 апр – Sputnik, Гӕбӕраты Элина. Цхинвалы уынгтыл ныссадздзысты сусхъӕды ӕртӕ сӕдӕ талайы горӕты уалдзыгон зӕлдфӕлындӕны рӕстӕджы, фехъусын кодта Sputnik столицӕйы администрацийы пресс-секретарь Коцты Зӕринӕ.

Уый банысан кодта, зӕлдфӕлындӕны хайады кусджытӕ ныридӕгӕн кӕй райдыдтой садзын талатӕ.

"Талатӕ ныссадздзысты уынгтыл, кӕцыты ис цъус бӕлӕстӕ кӕнӕ та дзы бынтондӕр нӕй. Куыстытӕ уагъд цӕуынц администрацийы ландшафтон дизайнер Пӕррӕстаты Иринайы къухдариуӕгады бын. Уый банысан кодта, сусхъӕд кӕй рафидауын кӕндзӕн горӕт", - загъта Коцты Зӕринӕ.

Сусхъӕд садзынӕй дарддӕр, ног кӕнынц газонтӕ ӕмӕ ӕхсӕдынц къутӕртӕ.

Горӕты администрацийы пресс-секретарь бафтыдта, кусджытӕ бӕрнон ахаст кӕй дарынц хисӕрмагонд изоляцийы режиммӕ, фӕлӕ уалдзыгон куыстытӕ нӕй гӕнӕн аргъӕвын.

"Газонтӕ кӕрдӕджы бын куы фӕуой, уӕд фылдӕр рӕстӕг ӕмӕ тыхтӕ бахъӕудзӕн, цӕмӕй сӕ рафидауын кӕной", - бахахх кодта Коцты Зӕринӕ.

Цхинвалы бирӕ ӕзты фӕстӕ ногӕй садзынц сусхъӕд. Уый размӕ Цхинвалы зӕлдфӕлындӕны хайад ныссагъта цъӕх назы бӕлӕстӕ, бӕрзбӕлӕстӕ ӕмӕ хӕрис.

11
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12