Хъазиты Мелитон

Иры фысджыты Цӕдисы ӕмсӕрдар бахауд Беслӕны рынчындонмӕ

21
(ранӕуӕггонд 12:52 23.04.2020)
Ирон фыссӕг Хъазиты Мелитонӕн сарӕзтой ӕртӕй операцийы иу мӕймӕ, уыдоны фӕстӕ уый нырма дӕр ис клиникӕйы

ЦХИНВАЛ, 23 апр – Sputnik, Гӕбӕраты Элина. Ирыстоны фысджыты Цӕдисы ӕмсӕрдар Хъазиты Мелитон бахауд рынчындонмӕ, абоны онг йын сарӕзтой ӕртӕ операцийы, фехъусын кодта Sputnik фыссӕджы ӕмкъай Тъотъоты Елена.

Уый банысан кодта, Хъазиты Мелитонӕн рагӕй кӕй уыд проблемӕтӕ йӕ зӕрдӕимӕ, ӕмӕ йӕ уый фӕдыл схуыссын кодтой Цӕгат Кавказы бирӕпрофилон медицинон центры Беслӕны.

"Мелитонӕн рӕсыдысты йӕ къӕхтӕ йӕ зӕрдӕимӕ проблемӕты тыххӕй. Уый фӕстӕ йын фӕзынд цӕф, кӕцы бирӕ рӕстӕг нӕ байгас ис. Къахӕн сопераци кодтой, цалдӕр боны фӕстӕ та ацыд дыккаг операци – уымӕн раивтой йӕ зӕрдӕйы тугдадзинтӕ", - радзырдта Тъотъоты Елена.

Уый ма фехъусын кодта, фыссӕджы ӕртыццӕджы кӕй ракодтой реанимацийӕ палатӕмӕ.

"Ӕртыккаг операци ацыд ацы бонты. Йӕхи нырма лӕмӕгъ хаты. Тынг тыхсын, мӕ бон кӕй нӕу ацӕуын Мелитонмӕ карантины тыххӕй. Сӕ хъус ӕм дарынц нӕ хиуӕттӕ, фӕлӕ уӕддӕр зын у, йӕ бинонтӕ йӕ фарсмӕ кӕй не сты, уый тыххӕй", - загъта уый.

Тъотъоты Елена бафтыдта, зӕгъгӕ, дохтырты ныхӕстӕм гӕсгӕ, Хъазиты Мелитонӕн тагъд рӕстӕджы схос кӕндзысты.

Хъазиты Мелитоны ном бацыд ирон литературӕйы историмӕ 1971 азы, уӕд рацыд мыхуыры йӕ фыццаг чиныг – радзырдты ӕмбырдгонд "Зӕлы зарӕг". Уый фӕстӕ фыссӕгӕн рацыд ноджы 45 чиныджы. Сӕ нымӕцы фыццаг ирон роман студентон царды тыххӕй "Переходный период".

Хъазиты Мелитон куыста алыгъуызон бӕрнон бынӕтты – уыд парламенты сӕрдары хӕдивӕг, Паддзахадон телеуынынады директор. Абон у Ирыстоны фыссджыты Цӕдисы ӕмсӕрдар, ХИПУ ахуыргӕнӕг, ис ын профессоры ном. Афтӕ ма Хъазиты Мелитон у Хетӕгкаты Къостайы премийы лауреат.

21
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12