Радио Ир-FM

Ир-Fm социалон хызӕгты: Хуссар Иры паддзахадон радио бакодта ног проект 

50
(ранӕуӕггонд 13:42 27.04.2020)
Хуссар Ирыстоны паддзахадон радиойы куысты техникон згъуыдтытӕ фӕзынд ивгъуыд аз сӕрды кӕрон. Проблемӕ аскъуыддзаг кӕнын не 'нтысы уӕдӕй нырмӕ

ЦХИНВАЛ, 27 апр — Sputnik, Плиты Фатимӕ. Хуссар Ирыстоны паддзахадон радио бакодта ног ӕрвылкъуырион алӕвӕрд. Актуалон фарстытыл ныхас ӕмӕ онлайн-концерттӕ цӕудзысты ӕрвыл сабаты социалон хызӕгты комкоммӕ трансляцийы.

Хуссар Ирыстоны паддзахадон радиойы куысты техникон згъуыдтытӕ фӕзынд ивгъуыд аз сӕрды кӕрон. Йӕ куысты ӕмгъуыд фӕцис сигнал дӕттӕг ифтонгадӕн, уый фӕстӕ фидиуӕн бынтондӕр ахицӕн кодтой. Фӕстӕдӕр ӕй ракодтой ӕндӕр уылӕнмӕ, фӕлӕ уым дӕр йӕ гъӕд ӕмбӕлон уагыл нӕ уыд. Проблемӕ аскъуыддзаг кӕнын не 'нтысы уӕдӕй нырмӕ.

"Радио Ир-Fm нӕ кусы, уымӕ гӕсгӕ нӕ студийӕ сарӕзтам интернет-фидиуӕн, видеотрансляци  цӕуы нӕ фӕрстӕм Facebook ӕмӕ Instagram-ы. Алӕвӕрдтӕ цӕудзысты дыууӕ сахаты бӕрц. Сӕ нысан у адӕммӕ хӕццӕ кӕнын актуалон информаци ӕмӕ ма цӕмӕй сӕхи дӕр ирхӕфсой",- загъта радиойы разамонӕг Цхуырбаты Алан.

Радиойы ног алӕвӕрды фыццаг уазӕг ссис Югосетпотребнадзоры хистӕры хӕдивӕг Гаглойты Анна, уый ӕрдзырдта коронавирусы пандемийы рӕстӕджы дунейы уавӕрыл, афтӕ ма Хуссар Иры цы мадзӕлттӕ ист цӕуынц вирусӕй хи бахаизынӕн, уыдӕттыл. Уый ма сдзуапп кодта радиомӕхъусджыты фарстытӕн ӕмӕ радта рекомендацитӕ. 

Радон эфиры уазӕг суыдзӕн зарӕггӕнӕг Алла Кокион, уый ауадздзӕн онлайн-концерт.

Алӕвӕрдты рӕстӕг у изӕры 20:00-22:00 сахатыл.

50
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

2
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

2
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5